ভাৰতৰ অধিকাংশ লোকেই চাহ নোহোৱাকৈ দিনটো অসম্পূৰ্ণ যেন অনুভৱ কৰে ৷ চাহ হৈছে এবিধ এনে পানীয় যিয়ে প্ৰত্যেকগৰাকী ভাৰতীয়ৰ ঘৰে ঘৰে উপলব্ধ ৷ কিবা বিশেষ সকামত চাহ, আলহী আহিলে চাহ ইত্যাদি ৷
অতীজৰে পৰা গাখীৰ চাহে দেশত এক বিশেষ স্থান লৈ আহিছে ৷ বৰ্তমান আধুনিকীকৰণৰ যুগত বিভিন্ন প্ৰকাৰৰ চাহ দেখিবলৈ পোৱা গৈছে ৷ তাৰে ভিতৰত বাবল চাহে দেশত যথেষ্ট জনপ্ৰিয়তা লাভ কৰিবলৈ সক্ষম হৈছে ৷ বহুলোকৰ চাহৰ প্ৰতি আসক্তি ইমানেই বেছি যে তেওঁলোকে চাহ গ্ৰহণ নকৰিলে মূৰৰ বিষো অনুভৱ কৰিবলৈ আৰম্ভ কৰে ৷ এই কাৰণে ইয়াক অতি জনপ্ৰিয় পানীয় বুলি গণ্য কৰা হয় ৷ কিন্তু আপুনি জানেনে যে চাহ খালে মানসিক স্বাস্থ্যৰ কিছু সমস্যাও হ’ব পাৰে ৷ এটা গৱেষণা ওলাইছে যাৰ মতে চাহে পানীলগা বা মানসিক চাপ বৃদ্ধি কৰিব পাৰে ৷ আমি আপোনাক ইয়াৰ বিষয়ে কওঁ...
চিংহুয়া বিশ্ববিদ্যালয় আৰু চীনৰ চেণ্ট্ৰেল ইউনিভাৰ্চিটি অৱ ফাইনেন্স এণ্ড ইকনমিক্সে এক সমীক্ষা চলাইছিল ৷ চীনৰ পৰা অহা প্ৰায় ৫০০০ ছাত্ৰ-ছাত্ৰীক ইয়াত অন্তৰ্ভুক্ত কৰা হৈছিল ৷ সমীক্ষাটোত দেখা গৈছে যে গাখীৰৰ চাহে কেৱল নিচাই নহয়, হতাশা বা উদ্বেগৰো সৃষ্টি কৰে ৷
নিসংগতাৰ সৈতে সম্পৰ্ক
এই অধ্যয়নত এইটোও পোৱা গৈছে যে, গাখীৰৰ লগত চাহ খোৱাৰ এটা কাৰণ হ’ল নিসংগতা ৷ ইয়াৰ উপৰিও চাহত যোগ কৰা চেনিয়ে মানসিক চাপ বা হতাশাও বৃদ্ধি কৰে ৷ গৱেষকসকলে কয় যে, চীন বা আন ঠাইত মানুহে চাহক আৱেগ নিয়ন্ত্ৰণৰ মাধ্যম হিচাপে ব্যৱহাৰ কৰিছে ৷ ইয়াৰ নিচাই তেওঁলোকক ছ’চিয়েল মিডিয়া বা ড্ৰাগছৰ দৰেই ক্ষতি কৰিব পাৰে ৷ এই ধৰণৰ চাহৰ প্ৰতি আসক্ত হোৱাৰ পিছত কিছুমান লক্ষণ দেখা যায় যিবোৰৰ ভিতৰত লোভ, চাহ এৰিব নোৱাৰা আৰু সকলো সময়তে চাহ খোৱাৰ ইচ্ছা অনুভৱ কৰা আদি ৷
চাহৰ ফলত হোৱা অন্যান্য সমস্যা
বিশেষজ্ঞসকলে কয় যে, চাহত থকা কেফেইনে আন স্বাস্থ্যজনিত সমস্যাও সৃষ্টি কৰিব পাৰে ৷ কেফেইনৰ বাবে শৰীৰত পানীৰ অভাৱ হ’ব পাৰে ৷ এনে পৰিস্থিতিত আপুনি কোষ্ঠকাঠিন্যৰ বলি হ’ব পাৰে ৷ কেৱল এয়াই নহয়, ইয়াক পান কৰিলেও অনিদ্ৰাৰ সমস্যা হ’ব পাৰে ৷ টোপনিৰ বিকাৰ অৰ্থাৎ অনিদ্ৰাৰ বাবেও মানসিক চাপ বা হতাশা বৃদ্ধি পায় ৷
ইয়াৰ পৰা আঁতৰি থাকক
চাহ খোৱাৰ অভ্যাস এৰিবলৈ তাৰ পৰিৱৰ্তে আন পানীয় খাবলৈ আৰম্ভ কৰিব পাৰি ৷ লেমনেডৰ দৰে পানীয় চেষ্টা কৰিব পাৰে ৷ ইয়াৰ বাহিৰেও যেতিয়াই চাহ খোৱাৰ প্ৰতি তীব্ৰ ইচ্ছা জাগে তেতিয়াই এগিলাচ পানী খাব ৷ এবাৰতে চাহ এৰি দিয়াটো সম্ভৱ নহয় যদিও লাহে লাহে ইয়াৰ পৰা নিজকে আঁতৰাই ৰখাটো ফলপ্ৰসূ বুলি প্ৰমাণিত হ’ব পাৰে ৷
লগতে পঢ়ক: Smartphone Vision Syndrome: ভুলতো নকৰিব এই কাম অন্যথা চিৰদিনলৈ হেৰুৱাব পাৰে দৃষ্টিশক্তি
