কৰ’ণা মহামাৰীৰ পৰিপ্ৰেক্ষিতত ঘৰত বন্দী হৈ থকাটো আমাৰ সকলোৰে বাবে কষ্টকৰ ৷ তাৰ ওপৰঞ্চি যদি ক’ভিড-19 ত আক্ৰান্ত হৈ সকলোৰে পৰা আঁতৰি একাষৰীয়াকৈ থাকিবলগা হয়, তেন্তে ই আমাৰ বাবে অধিক দুৰ্বিসহ হৈ পৰে ৷ পূৰ্বৰে পৰাই মানসিক ৰোগত আক্ৰান্তসকলৰ বাবে এই অকলশৰীয়াকৈ থাকিবলগা কথাটো অধিক ভয়ানক (Taking Mental Health care during covid pandemic) ৷
যদি আপুনি ক’ভিড-19 ত আক্ৰান্ত হৈ নিজৰ পৰিয়ালৰ সদস্যসকলৰ পৰা আঁতৰি থাকিবলগীয়া হৈছে, তেনেহ’লে কেনেদৰে আপুনি মানসিকভাৱে নিজকে সবল কৰি ৰাখিব পাৰিব, তাৰ কেইটামান উপায় আমি আপোনালোকলৈ আগবঢ়ালো...
পুষ্টিকৰ আহাৰ গ্ৰহণ কৰক :
তৰল জাতীয় খাদ্য বেছিকৈ খাওক অৰ্থাৎ পানী, ফলমূলৰ ৰস, শাক-পাচলিৰ ৰস আদি অধিক পৰিমাণত খাওক ৷ যদিহে আপুনি জ্বৰ-চৰ্দিত আক্ৰান্ত হৈ আছে, তেন্তে ব্যায়াম কৰাৰ পৰা কিছুদিন বিৰত থাকক ৷ গভীৰকৈ উশাহ লওক, যিয়ে হাওঁফাওঁৰ গতিবিধি সূচাৰুৰূপে চলাত সহায় কৰে ৷ লগতে মন শান্ত হৈ থকাতো অৰিহণা যোগায় ৷ পিছে নিজাববীয়াকৈ যিকোনো কাম কৰাৰ আগতে চিকিৎসকৰ পৰামৰ্শ লওক ৷
মন প্ৰফুল্লিত কৰি ৰাখক :
ক’ভিড-19 মহামাৰীৰ লগতে নিজৰ বৰ্তমানৰ অৱস্থাটো পাহৰাই ৰখাৰ যত্ন কৰক ৷ আপোনাৰ মন ভাল লগা কামত মনোনিৱেশ কৰক ৷ কিতাপ পঢ়ক, চিনেমা চাওক নতুবা যিকোনো ইতিবাচক কাম এটা বাচি লওক (শিশুসকলৰ বাবে এই কথাটো অধিক গুৰুত্বপূৰ্ণ) ৷ পৰিয়াল তথা বন্ধুবৰ্গৰ সৈতে অনলাইন মাধ্যমত সংযোগ হৈ থাকক ৷ ক’ভিড-19 ত আক্ৰান্ত হোৱাৰ পিছত বেমাৰটোৰ লক্ষণসমূহ পৰীক্ষা কৰক ৷
অকলে থকা মূহুৰ্তত এইটো সুনিশ্চিত কৰক যে, কোনোবাই যাতে নিয়মীয়াকৈ আপোনাৰ স্বাস্থ্যৰ খবৰ লৈছে ৷ এই সময়খিনিত কিছুমান অভ্যাস এৰাই চলক ৷ মানসিক অশান্তি দূৰ কৰিবলৈ মদ, ড্ৰাগছ, অস্বাস্থ্যকৰ ভোজন কৰাৰ পৰা বিৰত থাকক ৷
উক্ত কাৰ্যবোৰে ৰোগীসকলক মানসিকভাৱে কিছু সকাহ দিলেও কিন্তু দীৰ্ঘসময়ৰ বাবে মানসিক ৰোগীৰ ক্ষেত্ৰত ঋণাত্মক প্ৰভাৱ পেলাব পাৰে ৷ মানসিক ৰোগীসকলৰ বাবে এই সময় অধিক কঠোৰতম সময় ৷ মানসিক ৰোগৰ লগতে অন্য পুৰণা ৰোগত আক্ৰান্ত হৈ থকাসকলে এই মহামাৰীৰ সময়ত নিজৰ যতন লোৱা প্ৰণালীও সলনি কৰিবলগীয়া হৈছে ৷
মানসিক ৰোগৰ সৈতে যুঁজ দিবলৈ ইতিবাচক সামাজিক চিন্তা, ব্যায়াম আদিয়ে যথেষ্ট সহায় কৰে ৷ বৰ্তমান পৰিস্থিতিত হাস্পতাল আৰু চিকিৎসকসকলে ৰোগীৰ বৰ্ধিত চাহিদা পূৰণৰ বাবে আপ্ৰাণ চেষ্টা চলাইছে ৷
লগতে পঢ়ক: Diet for Breastfeeding Moms : স্তনপান কৰাই থকা মহিলাসকলে গ্ৰহণ কৰিব লাগে বিশেষ আহাৰ
