বলীউডত সকলো সময়তে চৰ্চাত থকা অন্যতম এগৰাকী জনপ্ৰিয় অভিনেত্ৰী হৈছে ছাৰা আলী খান ৷ বলীউডৰ মোহময়ী অভিনেত্ৰীসকলৰ ভিতৰত অন্যতম ছাৰা আলী খান ৷ দেশবাসীৰ মাজত খুব বেছি জনপ্ৰিয় এইগৰাকী অভিনেত্ৰীয়ে আনুবংশিকভাৱেই লাভ কৰিছে তেওঁৰ অতুলনীয় সৌন্দৰ্য ৷ ছৈফ আলী খান আৰু অমৃতা সিঙৰ কন্যা ছাৰা আলী খান বৰ্তমান বলীউড জগতত খুবেই জনপ্ৰিয় ৷ অমৃতা সিং যাৰ বাবে এসময়ত সৌন্দৰ্যত মতলীয়া আছিল সমগ্ৰ দেশ, তেওঁৰেই কন্যা ছাৰা আলী খান ৷
হয়, প্ৰখ্যাত অভিনেত্ৰী অমৃত সিঙৰ একমাত্ৰ কন্যা ছাৰা আলী খান ৷ কিন্তু, এনে উত্তৰাধিকাৰী হোৱাৰ পিছত নিজৰ সৌন্দৰ্য বজাই ৰখাটোও ছাৰাৰ বাবে এটা প্ৰত্যাহ্বান ৷ সেয়া ছাৰাইও ছাগৈ ভালদৰে উপলব্ধি কৰিব পাৰিছে ৷ সেয়েহে তেওঁ বজাৰৰ নামী-দামী প্ৰসাধনৰ বিপৰীতে সৌন্দৰ্যচৰ্চাৰ বাবে সহায় লয় সকলো ঘৰুৱা প্ৰতিকাৰৰ ৷
ছাৰাই জনোৱা মতে, তেওঁৰ ছাল-চুলিৰ যত্নৰ বাবে ঘৰুৱা সামগ্ৰী কিদৰে ব্যৱহাৰ কৰিব পাৰি, সেয়া তেওঁৰ মাতৃৰ পৰা শিকিছিল ৷আজি ছাৰাৰ মসৃণ ছালৰ ৰহস্যৰ বিষয়ে জানো আহক-
শেহতীয়া এক সাক্ষাৎকাৰত ডাঠ চুলি আৰু উজ্জ্বল ছাল সন্দৰ্ভত অভিনেত্ৰীগৰাকীয়ে উল্লেখ কৰা মতে, ‘পিঁয়াজেই হৈছে মোৰ আকৰ্ষণীয় ছাল-চুলিৰ ৰহস্য ৷ গৱেষণাতো দেখা গৈছে যে, পিঁয়াজৰ ফেচপেক ব্যৱহাৰ কৰিলে ছালত যাদুকৰী ফলাফল পোৱা যায় ৷আজিলৈকে আপুনি হয়তো পিঁয়াজ কেৱল চুলিৰ বাবেহে উপকাৰী বুলি জ্ঞাত আছিল ৷ কিন্তু পিঁয়াজ চুলিৰ লগতে ছালৰ বাবেও যথেষ্ট উপকাৰী ৷ সেয়েহে আপুনিও চুলিৰ লগতে ছালৰ যত্নটো পিঁয়াজ ব্যৱহাৰ কৰিব পাৰে ৷
ছালত পিঁয়াজ প্ৰয়োগ কৰাৰ উপকাৰিতা
১) পিঁয়াজ ছালফাৰ সমৃদ্ধ ৷ শালমইনা থকা ছাল স্বাস্থ্যৱান কৰি ৰখাৰ বাবে ছালফাৰ অতি গুৰুত্বপূৰ্ণ ৷
২) ছালত পিঁয়াজ প্ৰয়োগ কৰিলে ছালৰ বৰণ উন্নত হয় ৷
৩) ভিটামিন-এ, চি, ই সমৃদ্ধ হোৱাৰ বাবে মুখত পিঁয়াজ প্ৰয়োগ কৰিলে এণ্টিএজিঙৰ সমস্যা সমাধান কৰে ৷
৪) পিঁয়াজত তথা উপাদানে ছালক সূৰ্যৰ অতি বেঙুনীয়া ৰশ্মিৰ পৰা সুৰক্ষা দিয়ে আৰু ছালখনত বয়সৰ চাপ পৰিবলৈ নিদিয়ে ৷
৫) যদি ছালত বহুতো দাগ থাকে, তেনেহ'লে পিঁয়াজৰ পৰা প্ৰস্তুত কৰা ফেচপেক প্ৰয়োগ কৰিলে আপুনি মাত্ৰ দুই সপ্তাহৰ ভিতৰতে ফলাফল লাভ কৰিব ৷
৬) যদি ছাল অতি তৈলাক্ত বা অতি সংবেদনশীল হয়, তেন্তে পিয়াজৰ ৰস প্ৰয়োগ কৰক ৷ ই আপোনাৰ ছালখনক সকলো প্ৰকাৰৰ বেক্টেৰিয়া আৰু ভেঁকুৰৰ সংক্ৰমণৰ পৰা আঁতৰত ৰাখিব ৷
- এইদৰে তৈয়াৰ কৰা হয় পিঁয়াজৰ ফেচপেক
- পিঁয়াজখিনি গুৰি কৰি ইয়াৰ পৰা ডেৰ চামুচ ৰস উলিয়াই লওঁক ৷
- এক চামুচ নেমুৰ ৰস, এক চামুচ মৌ লওঁক ৷
- একৰ পৰা ডেৰ চাহ চামুচ বেচন লওঁক ৷
- সকলো উপাদান ভালদৰে মিহলি কৰি এটা পেষ্ট প্ৰস্তুত কৰক ৷ এই পেষ্টটো মুখ আৰু ডিঙিত ভালদৰে প্ৰয়োগ কৰি ২৫ মিনিটৰ পিছত মুখখন ধুই পেলাব ৷
- এই ফেচ পেকটো সপ্তাহত তিনিবাৰ ব্যৱহাৰ কৰক আৰু আপুনি মাত্ৰ দুই সপ্তাহৰ ভিতৰতে পাৰ্থক্য দেখিব ৷
লগতে পঢ়ক: Dry Eyes: চকু বাৰে বাৰে শুকাই যোৱাৰ বাবে অশান্তি পাইছে নেকি ? এই খাদ্যসমূহে দিব উপশম
