আমাৰ বহুতৰে ৰাতিপুৱা শোৱাৰ পৰা উঠি কফি খোৱাৰ অভ্যাস আছে । কফি প্ৰেমীসকলৰ মতে, কফিয়ে এলেহুৱা ভাৱ দূৰ কৰি শৰীৰটোক সক্ৰিয় কৰি ৰাখে । কিন্তু আপুনি জানেনে যে অত্যাধিক কফি খোৱাটো স্বাস্থ্যৰ পক্ষে কিমান ক্ষতিকাৰক ?
শেহতীয়া এক অধ্যয়নৰ মতে, অধিক কফি খোৱাটোৱে ডিমেনচিয়াৰ আশংকা বৃদ্ধি কৰে । হয়, লগতে গৱেষণাত এইটোও কোৱা হৈছে যে, ৬ কাপতকৈ অধিক কফি খালে হৃদযন্ত্ৰৰ ষ্ট্ৰোক, উচ্চ ৰক্তচাপ আৰু আন বহু ৰোগৰো আশংকা বৃদ্ধি হয় । অত্যাধিক কফি খোৱাৰ ফলত স্বাস্থ্যৰ অন্য কি কি ক্ষতি কৰিব পাৰে, আজি এই প্ৰতিবেদনৰ জৰিয়তে জানো আহক-
টোপনিৰ অভাৱ
কফি খালে এলেহুৱা ভাৱ দূৰ হয় আৰু সক্ৰিয় হৈ থকাত সহায় কৰে । কিন্তু অত্যাধিক পৰিমাণৰ কেফেইন সেৱনে নিশা টোপনি অহাত বাধা দিয়ে, যিয়ে বিভিন্ন ৰোগ সৃষ্টি হোৱাৰ সম্ভাৱনা বৃদ্ধি কৰে ।
পেটৰ সমস্যা
কফি খোৱাটোৱে শৰীৰৰ বিভিন্ন অংশ প্ৰভাৱিত কৰে । কফি খালে শৰীৰৰ পৰা গেষ্ট্ৰিয়েন হৰমন মুকলি হয়, যি মলাশয়ৰ কাৰ্যকলাপ বৃদ্ধি কৰাৰ কাম কৰে । যদি আপুনি অত্যাধিক কফি খায়, তেতিয়া আপোনাৰ পেটৰ সমস্যা হ'ব পাৰে ।
ৰক্তচাপ বৃদ্ধি
অত্যাধিক কফি খালে ৰক্তচাপো বৃদ্ধি হয় । উচ্চ ৰক্তচাপৰ ফলত ৰোগীৰ কোষ ক্ষতি হ'ব পাৰে, যাৰ ফলত হৃদযন্ত্ৰলৈ তেজৰ প্ৰবাহ হ্ৰাস হ'ব পাৰে । ই ষ্ট্ৰ’ক আৰু হৃদ আক্ৰমণৰ আশংকাও বৃদ্ধি কৰে। যদি আপুনি উচ্চ ৰক্তচাপৰ ৰোগী, তেনেহ'লে কেফি খোৱা বাদেই দিব ।
ভাগৰ
কফি খালে কিছু সময়ৰ বাবে শৰীৰে শক্তি লাভ কৰে সেইটো ঠিকেই, কিন্তু অত্যাধিক পৰিমাণৰ কেফেইনে এলেহুৱা ভাৱ বৃদ্ধি কৰে । কিছুমান অধ্যয়নত পোৱা গৈছে যে অত্যাধিক পৰিমাণৰ কেফেইনৰ বাবে শৰীৰে অধিক ভাগৰুৱা হৈ পৰে ।
টোপনিৰ অভাৱ
যিসকল লোকে টোপনিৰ সৈতে জড়িত সমস্যা আছে, তেওঁলোকে অধিক কফি খোৱাৰ পৰা বিৰত থাকিব লাগে । দৰাচলতে কফিত প্ৰচুৰ পৰিমাণৰ কেফেইন থাকে, যাৰ ফলত টোপনি কমি যায়, গতিকে যদি আপুনি ইতিমধ্যে অনিদ্ৰাৰ সৈতে যুঁজি আছে, তেন্তে ইয়াৰ প্ৰভাৱ আৰু বেয়া হ’ব পাৰে ।
লগত পঢ়ক: Breakfast timing: আমি কিমান সময়ত ব্ৰেকফাষ্ট গ্ৰহণ কৰা উচিত ? অধিকাংশ লোকেই কৰে এই ভুল