এই পৃথিৱীত মানুহতকৈ পৰুৱাৰ সংখ্যা বেছি । পৰুৱাৰ সঠিক সংখ্যা অনুমান কৰাটো অসম্ভৱ । কিন্তু হংকঙৰ একাংশ গৱেষকে বিশ্বত পৰুৱাৰ সংখ্যা গণনা কৰিবলৈ এই দুঃসাহসিক অভিযানত নামি পৰিছে ।
৪৮৯টা অধ্যয়নৰ পৰা সংগ্ৰহ কৰা তথ্যৰ ভিত্তিত অনুমান কৰা হৈছে যে, পৃথিৱীত ২০,০০০,০০০,০০০,০০০,০০০ বা ২০ কোৱাড্ৰিলিয়ন পৰুৱা আছে । কিন্তু ইহঁতৰ ঘনত্বৰ প্ৰতি লক্ষ্য ৰাখি ইহঁতৰ সঠিক সংখ্যা কোৱাটো যথেষ্ট কঠিন । প্ৰচিডিংছ অৱ দ্য নেচনেল একাডেমী অৱ চাইন্স নামৰ আলোচনীত প্ৰকাশ পাইছে এই তথ্য ।
গৱেষকৰ দলটোৱে প্ৰকাশ কৰিছে যে, "পৰুৱাৰ সৰ্বব্যাপীতাই বহু প্ৰকৃতিবিদক পৃথিৱীত ইহঁতৰ সঠিক সংখ্যা অনুমান কৰিবলৈ অক্ষম কৰি তুলিছে । অৱশ্যে আমি বিশ্বৰ বিভিন্ন প্ৰান্তত পৰুৱাৰ ঘনত্ব জুখি ৪৮৯টা অধ্যয়নৰ তথ্য সংগ্ৰহ কৰি এই সংখ্যা অনুমান কৰিলোঁ । "দলটোৱে বিশ্বত পৰুৱাৰ জৈৱবস্তুৰ বিষয়েও প্ৰকাশ কৰে ।
বায়’মাছ বোলে কোনো অঞ্চলত থকা জীৱৰ মুঠ পৰিমাণ বা ওজনক বুজায় । অৰণ্যত বাস কৰা চৰাই আৰু স্তন্যপায়ী প্ৰাণীৰ মুঠ ওজন প্ৰায় ২০ লাখ টন বুলি কোৱা হৈছে ৷ আনহাতে পৰুৱাৰ সংখ্যাৰ ওপৰত কৰা অধ্যয়ন অনুসৰি গৱেষকসকলে এই তথ্য প্ৰকাশ কৰিছে যে, বিশ্বত পৰুৱাৰ জৈৱবস্তু প্ৰায় ১ কোটি ২০ লাখ টন ।
লগতে পঢ়ক: চাহ সেৱনে Type 2 Diabetesৰ আশংকা হ্ৰাস কৰে: অধ্যয়ন
