ওদালগুৰি, ৭ মাৰ্চ: ওদালগুৰি জিলাৰ মাজবাটত সংঘটিত হৈছে এক আজৱ কাণ্ড । বিদ্যুৎ সংযোগ নোহোৱাকৈয়ে সেই অঞ্চলৰ কেইবাটাও পৰিয়ালে লাভ কৰিছে বিদ্যুতৰ বিল । বিদ্যুতৰ পোহৰ নেদেখা এই গাঁও খনত কিছুদিন পূৰ্বেহে বিদ্যুতৰ সংযোগ হৈছিল । পিছে গাওঁ কেইখনৰ কোনো এঘৰ লোকেই বৰ্তমানলৈকে যোগান পোৱা নাই বিদ্যুতৰ । কিন্তু আচৰ্যজনক কথাটো হ'ল কেইবাটাও পৰিয়ালে এমাহৰ বিদ্যুতৰ বিল পোৱা ঘটনাই সকলোৰে চকু কঁপালত তুলিছে ।
ELECTRICITY BILL
বিদ্যুৎ সংযোগ নকৰাকৈয়ে বিদ্যুতৰ বিল দেখি এতিয়া হতবাক গাওঁ কেইখনৰ লোকসকল ।ইফালে বিদ্যুৎ সংযোগ নকৰাকৈ আৰু ব্যৱহাৰ নকৰাকৈ বিদ্যুতৰ বিল অহাৰ বাবে মাজবাট বিদ্যুৎ উপ সংমণ্ডলৰ কাৰ্যালয়ত অৱগত কৰিছে পৰিয়াল কেইটাই ।
