মাজবাটত কাৰাটে খেলুৱৈ চান্দিনী খাতুনক উষ্ম আদৰণি

উত্তৰ প্ৰদেশৰ সাহাৰণপুৰত অনুষ্ঠিত দ্বিতীয় আন্তঃৰাষ্ট্ৰীয় কেৰাটে চেম্পিয়নশ্বিপত স্বৰ্ণ পদক অৰ্জন কৰিবলৈ সক্ষম হয় ওদালগুৰি মাজবাটৰ চান্দিনী খাতুনে ৷

ওদালগুৰি, 1 মে': দ্বিতীয় আন্তঃৰাষ্ট্ৰীয় কাৰাটে চেম্পিয়নশ্বিপত স্বৰ্ণ পদক অৰ্জন কৰা অসম কন্যা চান্দিনী খাতুনক উষ্ম আদৰণি মাজবাটবাসীৰ ৷ বুধবাৰে স্বগৃহত উপস্থিত হোৱাৰ পাচতে মাজবাটবাসী ৰাইজ তথা বিভিন্ন দল সংগঠনে আদৰণি জনায় খেলুৱৈগৰাকীক । উল্লেখ্য যে, উত্তৰ প্ৰদেশৰ সাহাৰণপুৰত অনুষ্ঠিত দ্বিতীয় আন্তঃৰাষ্ট্ৰীয় কাৰাটে চেম্পিয়নশ্বিপত স্বৰ্ণ পদক অৰ্জন কৰিবলৈ সক্ষম হয় ওদালগুৰিৰ মাজবাটৰ চান্দিনী খাতুনে ৷ ইয়াৰ পূৰ্বেও খেলুৱৈগৰাকীয়ে ৰাষ্ট্ৰীয় পৰ্যায়ৰ পেনচক চিলেট প্ৰতিযোগিতাত আঠটাকৈ স্বৰ্ণ পদক অৰ্জন কৰে ৷

আনহাতে, ৰাষ্ট্ৰীয় পৰ্যায়ত স্বৰ্ণ পদক অৰ্জন কৰিবলৈ সক্ষম হোৱা পাচতো চৰকাৰৰ পৰা কোনো সুবিধা লাভ নকৰা চান্দিনী খাতুনৰ সফলতাত গৌৰাম্বিত অঞ্চলবাসী ৷