11 বজাৰ শীৰ্ষ 10 টা বাতৰি

11 বজাৰ শীৰ্ষ 10 টা বাতৰি

মাওবাদী নেতা কাঞ্চন দা ওৰফে অৰুণ কুমাৰ ভট্টাচাৰ্যক গ্ৰেপ্তাৰৰ পিছত পোহৰলৈ আহিছে ন-ন তথ্য । বৰাক উপত্যকাৰ বিভিন্ন চাহ বাগিচাত মাওবাদীৰ এক বিশাল নেটৱৰ্ক গঢ়ি উঠিছে । দেওবাৰে কৰিমগঞ্জৰ পাথাৰকান্দিৰ সোনাখিৰাৰ পৰা এনআইএ আটক কৰিছে স্বামী-স্ত্ৰীক (NIA detained suspected Maoist from Karimganj)।

শীঘ্ৰেই অসমলৈ আহিব কেইবাজনো হাইপ্ৰফাইল ব্যক্তি ৷ আগন্তুক কেইদিন অসমত সমাগম ঘটিব ভি ভি আই পিৰ (VVIPs to visit Assam ) ।যাৰ সম্প্ৰতি ব্যস্ত হৈ পৰিছে দিছপুৰ ৷ অসমৰ কেইবাটাও স্থানত হাইপ্ৰফাইলক আদৰাৰ ব্যাপক প্ৰস্তুতি ৷ চাওঁক অসমৰ কোন কোন স্থানত আহিব এই হাইপ্ৰফাইল ব্যক্তিসমূহ ৷

বদৰপুৰ ৰে’ল ষ্টেচনত মাৰণাস্ত্ৰ জব্দ(Weapons recovered in Badarpur) ৷ ৰে’ল আৰক্ষীৰ তৎপৰতাত জব্দ হোৱা মাৰণাস্ত্ৰসমূহৰ ভিতৰত আছে চাৰিটা 7.65 পিষ্টল, 8 টা মেগজিন আৰু 15 জাঁই সজীৱ গুলি ৷ এই ঘটনা সন্দৰ্ভত আটক কৰা হৈছে দুজনকৈ লোক ৷

ৰাজ্যৰ নিৰাপত্তা দিশটোৰ বাবে এক চাঞ্চল্যকৰ খবৰ ৷ গোপনে ৰাজ্যত খোপনি পুতিছে মাওবাদীয়ে ৷ দেওবাৰৰ দিনটোত তিনিগৰাকীকৈ মাওবাদী সদস্য আটক হৈছে ৰাজ্যত (Maoist leader nabbed in Assam) ৷ মাওবাদীৰ কেন্দ্ৰীয় কমিটিৰ সদস্য কাঞ্চন দাৰ পৰা বৰ্তমান সৰস্বতীলৈকে ৰাজ্যত মাওবাদী নেতা-সদস্য আটক হোৱা ঘটনাই চিন্তিত কৰি তুলিছে আৰক্ষী প্ৰশাসনৰ লগতে সচেতন মহলকো ৷

চৰাইদেউ জিলাৰ মৰাণৰ দিৰৈ দেওঘৰীয়া গাঁৱৰ 214 টা পৰিয়ালক ভূমিপট্টা প্ৰদান ৰাজহ মন্ত্ৰী যোগেন মহনৰ(Land patta distribute at Charaideo) ৷ 'মিছন বসুন্ধৰা'ৰ জৰিয়তে 8 লাখ আবেদনকাৰীৰ ভিতৰত 6.50 লাখ আবেদনকাৰীৰ সমস্যা সমাধান কৰাৰ কথা ব্যক্ত কৰে মন্ত্ৰী যোগেন মহনে ৷

অসমীয়া ছবি জগতলৈ আন এক সুখৰ ৷ সতী ৰাধিকাৰ জীৱনৰ ভিত্তিত নিৰ্মাণ হ’ব বোলছবি (Assamese movie based on Sati Radhika) ৷ 3 এপ্ৰিলত শুভ মহুৰত হোৱা নতুন অসমীয়া ছবিখনৰ দৃশ্যগ্ৰহণ আগন্তুক এমাহৰ ভিতৰত সম্পূৰ্ণ কৰাৰ পৰিকল্পনা কৰাৰ লগতে সতী ৰাধিকা দিৱসত দিৱসত মুক্তিৰ পৰিকল্পনা কৰিছে টীম ‘মহাসতী ৰাধিকা’ই ৷

ডিব্ৰুগড়ত 26 খন চাহ বাগিছাক এম্বুলেঞ্চ বিতৰণ মুখ্যমন্ত্ৰী ড৹ হিমন্ত বিশ্ব শৰ্মাৰ (CM distributed ambulance to tea garden) ৷ লাহোৱালত অনুষ্ঠিত এক অনুষ্ঠানত 26 খন বাগিছাক একোখনকৈ এম্বুলেঞ্চ প্ৰদান কৰে মুখ্যমন্ত্ৰীয়ে ৷

হেঁপাহৰ ৰঙালী বিহুলৈ মাজত মাথো কেইটিমান দিন । ৰঙালী বিহুৰ আগমনৰ সময়তে ব্যস্ত হৈ পৰিছে প্ৰতিগৰাকী শিল্পী । ঢোল-পেঁপাৰ লগতে বাঁহী নিৰ্মাণত ব্যস্ত হৈ পৰিছে বাক্সাৰ শিল্পী সতীশ ৰামচছিয়াৰী (Flute making in Baksa) ।

মহিলা ক্ৰিকেট বিশ্বকাপৰ ফাইনেলত ইংলেণ্ডক পৰাস্ত কৰি খিতাপ দখল অষ্ট্ৰেলিয়াৰ(Australia beat England to win World Cup) ৷ সপ্তমবাৰলৈ মহিলা বিশ্বকাপৰ খিতাপ দখলৰ অভিলেখ অষ্ট্ৰেলিয়াৰ ৷

ৰাজস্থানৰ আলৱাৰ জিলাৰ চাৰিস্কা বনাঞ্চলত দেওবাৰে এক বনজুইৰ ঘটনা সংঘটিত হয় । জানিব পৰা মতে বনাঞ্চলখনৰ তেহলা ৰেঞ্জত এই জুইৰ সূত্ৰপাত হয় (Forest fire in Sariska of Rajasthan)।