ৰৌতা, ১২ ছেপ্টেম্বৰ : ৰৌতা বাগান প্ৰাথমিক বিদ্যালয়ত উত্তপ্ত পৰিস্থিতি (tense situation in Rowta Bagan LP School) । সময়মতে শিক্ষক-শিক্ষয়িত্ৰী বিদ্যালয়ত উপস্থিত নোহোৱাত স্থানীয় ৰাইজে উত্তপ্ত কৰি তোলে বিদ্যালয় চৌহদ (Teachers irregularity in school attendance) । দীৰ্ঘদিনৰ পৰা শিক্ষক-শিক্ষয়িত্ৰীসকলে কৰ্তব্যত গাফিলতি কৰাৰ অভিযোগ উত্থাপন কৰি আহিছিল স্থানীয় ৰাইজে ।
আজিও ১০ বজালৈকে শিক্ষক-শিক্ষয়িত্ৰী বিদ্যালয়ত উপস্থিত নোহোৱাত স্থানীয় ৰাইজ একত্ৰিত হৈ তীব্ৰ ক্ষোভ প্ৰকাশ কৰে (local people angered for teachers irregularity) । স্থানীয় ৰাইজে বিদ্যালয় পৰিচালনা সমিতিৰ সভাপতিক আগুৰি ধৰি জবাবদিহি কৰে ।
যিসময়ত অসমৰ মুখ্যমন্ত্ৰী হিমন্ত বিশ্ব শৰ্মাই চৰকাৰী কৰ্মচাৰীসকলৰ নিজৰ দায়িত্ব আৰু কৰ্তব্য পালনৰ ক্ষেত্ৰত কঠোৰ হৈছে, তেনে সময়তে ওদালগুৰি জিলাৰ মাজবাট শিক্ষা খণ্ডৰ অন্তৰ্গত ৰৌতা বাগান প্ৰাথমিক বিদ্যালয়খনৰ শিক্ষক-শিক্ষয়িত্ৰীসকলৰ কৰ্মকাণ্ডত স্থানীয় ৰাইজ ক্ষোভিত হৈ পৰে (CM strict in employees duty) ।
প্ৰত্যেক দিনাই শিক্ষকসকল পলমকৈ উপস্থিত হোৱাৰ অভিযোগ উত্থাপন কৰিছে স্থানীয় ৰাইজে । ফলত বিদ্যালয়ৰ কাষতে থকা ১৫ নং ৰাষ্ট্ৰীয় ঘাইপথেদি কণ কণ ছাত্ৰ-ছাত্ৰীসকল অনাই-বনাই ঘূৰি ফুৰে । ফলত যিকোনো মুহূৰ্ততে তাত বৃহৎ অঘটন ঘটাৰো সম্ভাৱনা আছে । আনহাতে, আজিও প্ৰধান শিক্ষকসহ সহকাৰী শিক্ষক-শিক্ষয়িত্ৰীসকল বিদ্যালয়ত পলমকৈ উপস্থিত হয় ।
ইফালে স্থানীয় ৰাইজ তথা দল-সংগঠন আৰু বিদ্যালয় পৰিচালনা সমিতিৰ সভাপতিয়ে এই সন্দৰ্ভত বাৰম্বাৰ প্ৰধান শিক্ষকগৰাকীক অৱগত কৰি আহিছিল যদিও কোনো গুৰুত্ব প্ৰদান নকৰাৰ অভিযোগ উত্থাপন হৈছে (allegation against SMC president) । কৰ্তব্যত গাফিলতি কৰি কণ কণ ছাত্ৰ-ছাত্ৰীৰ শৈক্ষিক জীৱনক লৈ হেতালি খেলা শিক্ষক-শিক্ষয়িত্ৰীৰ ওপৰত বিভাগীয় কৰ্তৃপক্ষই কঠোৰ ব্যৱস্থা গ্ৰহণৰ আহ্বান জনাইছে স্থানীয় ৰাইজে ।
উল্লেখ্য, শেহতীয়াভাৱে ৰাজ্যৰ চৰকাৰী খণ্ডৰ শিক্ষানুষ্ঠানসমূহক লৈ বিভিন্ন বাক-বিতণ্ডা চলি আছে । চৰকাৰী শিক্ষানুষ্ঠানসমূহত ছাত্ৰ-ছাত্ৰীৰ সংখ্যা কমি যোৱা, পৰীক্ষাৰ ফলাফল শোচনীয় হোৱা, শিক্ষক-শিক্ষয়িত্ৰীৰ অনিয়মীয়া উপস্থিতি আদি বিভিন্ন বিষয়ত সমালোচনা চলি আহিছে । তাৰ মাজতে ৰৌতাৰ এইখন চৰকাৰী বিদ্যালয়ৰ এই অৱস্থাই পুনৰবাৰ উদঙাইছে ৰাজ্যত চৰকাৰী শিক্ষা ব্যৱস্থাৰ স্বৰূপ ।
লগতে পঢ়ক :ভিক্টৰ দাস সন্দৰ্ভত লুৰীণ জ্যোতি গগৈৰ প্ৰতিক্ৰিয়া
