ওদালগুৰিত পথ দুৰ্ঘটনা, গুৰুতৰভাৱে আহত ২ আছু কৰ্মী

শুকুৰবাৰে ওদালগুৰিত ভয়ংকৰ পথ দুৰ্ঘটনা । AS01DM8222 নম্বৰৰ এল্টো কে-10 বাহন খনে নিয়ন্ত্ৰণ হেৰুৱাই পথৰ কাষত ৰৈ থকা ডাম্পাৰক খুন্দিওৱাৰ ফলতে সংঘটিত হয় এই দুৰ্ঘটনাটো । ফলত গুৰুত্বৰভাৱে আহত হয় দুজনকৈ আছু কৰ্মী ৷ উন্নত চিকিৎসাৰ বাবে দুয়োগৰাকীকে গুৱাহাটীলৈ প্ৰেৰণ ৷

ওদালগুৰি,12এপ্ৰিল: শুকুৰবাৰে সন্ধিয়া ওদালগুৰি আৰক্ষী থানাৰ অন্তৰ্গত অম্বাগাঁও হৰিশিঙা-ওদালগুৰি পথৰ ওপৰত সংঘটিত হয় এক ভয়ংকৰ পথ দুৰ্ঘটনা । AS01DM8222 নম্বৰৰ এল্টো কে-10 বাহন খনে নিয়ন্ত্ৰণ হেৰুৱাই পথৰ কাষত ৰৈ থকা ডাম্পাৰক খুন্দিওৱাৰ ফলতে সংঘটিত হয় এই দুৰ্ঘটনাটো । জানিব পৰা মতে অৰ্ণৱজান ওজা(২৫) আৰু প্ৰাঞ্জল বৰুৱা(২৫) নামৰ ওদালগুৰি আঞ্চলিক ছাত্ৰ সন্থাৰ সদস্য দুজনে শুকুৰবাৰে এক বিশেষ কামত অম্বাগাওঁৰ মৌ-মাৰীৰ পৰা ওদালগুৰি অভিমুখে উভতি অহাৰ পথতে এই দুৰ্ঘটনাটো সংঘটিত হয় ৷ ইপিনে দুৰ্ঘটনাটোত আহত দুয়োগৰাকী যুৱককে স্থানীয় ৰাইজৰ সহযোগত ওদালগুৰি অসামৰিক চিকিৎসালয়লৈ প্ৰেৰণ কৰে যদিও পৰৱৰ্তী সময়ত দুয়োগৰাকীকে উন্নত চিকিৎসাৰ বাবে গুৱাহাটীলৈ প্ৰেৰণ কৰা হয় ৷