ওদালগুৰি, 25 জুলাই : দৰং-ওদালগুৰিৰ সীমান্তৱৰ্তী অঞ্চল কৌপাটিত বন বিভাগৰ অবিবেচকী কাণ্ড । পথ নিৰ্মাণৰ বাবে প্ৰকাণ্ড গছ কটাৰ ফলত ছিগিল বিদ্যুতৰ তাঁৰ ৷ বিদ্যুতৰ তাঁৰ ৰাস্তাত পৰি থকাত আহত হয় চাৰিজনকৈ লোক । আহত কেইজনক খাৰুপেটীয়া চিকিৎসালয়লৈ প্ৰেৰণ কৰা হয় ৷
এই ঘটনাক কেন্দ্ৰ কৰি কৌপাটিত তীব্ৰ উত্তেজনাৰ সৃষ্টি হয় । প্ৰাপ্ত তথ্য অনুসৰি, কৌপাটি সাপ্তাহিক বজাৰৰ মাজেৰে চাৰিলেনযুক্ত পথ নিৰ্মাণৰ কাম চলি আছে ৷ বন বিভাগে অবিবেচকহীনভাৱে পথৰ দাঁতিত থকা প্ৰকাণ্ড গছ কটাৰ ফলত বিদ্যুতৰ তাঁৰ চিঙি পৰাৰ লগতে বাগৰি পৰে কেইবাটাও বিদ্যুতৰ খুঁটা ৷
বিদ্যুতৰ তাঁৰ ছিগি পৰাত আহত হয় চাৰিজনকৈ লোক ৷
স্থানীয় ৰাইজৰ মতে, বন বিভাগৰ চৰম গাফিলতিৰ বাবেই কৌপাটিত সংঘটিত হয় এই ভয়ানক দুৰ্ঘটনাটো । দুৰ্ঘটনাটো সংঘটিত হোৱাৰ পিছতেই আহত ব্যক্তিসকলক ততাতৈয়াকৈ প্ৰেৰণ কৰা হয় খাৰুপেটীয়া অসামৰিক চিকিৎসালয়লৈ ৷ দুৰ্ঘটনাত আহত হোৱা ব্যক্তিসকল ক্ৰমে চন্দ্ৰনা বিশ্বাস, মাম্পি সিংহ, সবিতা সিংহ আৰু ৰঞ্জনা নাথ সিংহ ৷ এই ঘটনাক কেন্দ্ৰ কৰি কৌপাটিত অব্যাহত আছে তীব্ৰ উত্তেজনা ৷
লগতে পঢ়ক: ডকাইতক লগত লৈ আৰক্ষীয়ে উদ্ধাৰ কৰিলে পিষ্টল
