ওদালগুৰি, ২০ মে': ওদালগুৰি জিলাৰ মাজবাটত মঙলবাৰে আৰক্ষীয়ে জব্দ কৰে ১০৮ কেজি গাঞ্জা । গোপন সূত্ৰৰ ভিত্তিতে মাজবাট আৰক্ষীয়ে চলোৱা অভিযানত AS-25-BC-1508 নম্বৰৰ টাটা মেজিকখনত গাঞ্জা কঢ়িয়াই আনি থকা অৱস্থাত জব্দ কৰিবলৈ সক্ষম হয় ।
মাজবাট আৰক্ষী থানাৰ ভাৰপ্ৰাপ্ত আৰক্ষী বিষয়া ৰাজা ইৰচাদ আৰু এ এছ আই ৰোহিত চেত্ৰীৰ নেতৃত্বত আৰক্ষীৰ দল এটাই অভিযান চলাই নিশা ১০:৩০ মান বজাত মাজবাটৰ ৰৌতামুখৰ গেটত গাঞ্জা সহ গাড়ীখন জব্দ কৰিব সক্ষম হয়।
ওদালগুৰিৰ মাজবাটত জব্দ প্ৰায় ৪ লাখ টকাৰ গাঞ্জা
অৱশ্যে সন্মুখত আৰক্ষী থকাৰ উমান পাই গাঞ্জা কঢ়িয়াই অনা গাড়ীখনৰ চালক তথা লগত থকা লোককেইজন এন্ধাৰৰ সুযোগ লৈ পলাই যাবলৈ সক্ষম হয়। পিছত মাজবাট আৰক্ষীয়ে জব্দ কৰা টাটা মেজিক গাড়ীখন আৰু গাঞ্জাখিনি মাজবাট থানালৈ লৈ আহে আৰক্ষীয়ে । জব্দ কৰা গাঞ্জা খিনিৰ আনুমানিক মূল্য চাৰি লাখ টকা হ'ব বুলি জানিব দিয়ে আৰক্ষীয়ে ।
