ওদালগুৰি, 25 আগষ্টঃ ওদালগুৰি আৰক্ষীৰ বৃহৎ সাফল্য ৷ জিলাখনৰ নেপালপাৰা গাঁৱৰ ৰাবাৰ বাগানত আৰক্ষীয়ে উদ্ধাৰ কৰে বৃহৎ পৰিমাণৰ অস্ত্ৰ ভাণ্ডাৰ ৷ গোপন সূত্ৰৰ খবৰৰ ভিত্তিত সোমবাৰে নিশা ওদালগুৰিৰ উপ-আৰক্ষী অধীক্ষক পাহাৰি কোঁৱৰ আৰু ওদালগুৰি আৰক্ষী থানাৰ ভাৰপ্ৰাপ্ত আৰক্ষী বিষয়া নাৰায়ণ পতংগীয়াৰ নেতৃত্বত চলোৱা অভিযানত উদ্ধাৰ হয় অস্ত্ৰৰ ভাণ্ডাৰ ৷
উল্লেখ্য যে, এটা AK 56 ৰাইফল, দুটা 9mm পিষ্টল, দুটা Colt 38 semi automatic , নটা মেগাজিনৰ লগতে , 72 টা AK 56 , ৫ টা 5.56 , দুটা S L R ৰ , ১৬ টা অন্য 9mm আৰু অন্যান্য 20 টাকৈ অস্ত্ৰ-শস্ত্ৰ উদ্ধাৰ কৰে আৰক্ষীয়ে ৷
ইয়াৰোপৰি অভিযানকাৰী দলটোৱে ৪ টা ডিটেনেটৰ আৰু ৫ টা কেপ, দুটা ওৱাকি টকি আৰু এডাল চাৰ্জাৰ উদ্ধাৰ কৰে ৷ আনহাতে, বিটিচি নিৰ্বাচনৰ পূৰ্বে জিলাখনৰ ইটোৰ পিছত আনটো অঞ্চলত সঘনাই অবৈধ অস্ত্ৰ-শস্ত্ৰ উদ্ধাৰক লৈ ওদালগুৰি জিলাৰ ৰাইজৰ মাজত এক চাঞ্চল্যৰ সৃষ্টি হৈছে ৷
লগতে পঢ়কঃ বিশ্বনাথত লুইতৰ বুকুত ২০ খনৰো অধিক গাঁও
