ওদালগুৰি, 10 জানুৱাৰী: আগন্তুক ২০ জানুৱাৰীৰ পৰা ২২ জানুৱাৰীলৈ ওদালগুৰি জিলাৰ খৈৰাবাৰীৰ দাউহাৰু পথাৰত অনুষ্ঠিত হ'ব বড়ো সাহিত্য সভাৰ ৫৯ সংখ্যক কেন্দ্ৰীয় অধিৱেশন। প্ৰায় ডেৰ কোটি টকা ব্যয় সাপেক্ষে অনুষ্ঠিত হ'বলগীয়া অধিবেশনখনকলৈ ওখল মাখল হয় পৰিছে খৈৰাবাৰীৰ দাউহাৰুপথাৰ। প্ৰায় ৫০০ বিঘা মাটি সামৰি লোৱা অধিৱেশনস্থলীত পূৰ্ণ গতিত চলি আছে শ্বহীদ বেদী, পতাকা উত্তোলনস্থলী, তোৰণ, মূলমঞ্চ, মণ্ডপ, প্ৰদৰ্শনী, গ্ৰন্থমেলা, প্ৰতিনিধি ঘৰ, ভোজনালয় আদি নিৰ্মাণৰ কাম।
লগতে পঢ়ক: কলকাতাৰ অসম ভৱনত প্ৰাণ পাব ৰসৰাজে
প্ৰতিটো দিনতে কেইবাখনো গাওঁৰ ৰাইজে শ্ৰমদান কৰিছে অধিবেশনস্থলীত। একেলগে ৫ হাজাৰ লোকে আহাৰ গ্ৰহণ কৰিব পৰাকৈ নিৰ্মাণ হৈছে ভোজনগৃহ। ৫ হাজাৰৰো অধিক প্ৰতিনিধি থাকিবলৈ নিৰ্মাণ কৰি থকা হৈছে প্ৰতিনিধি শিবিৰ। দহ হাজাৰৰো অধিক লোক বহিব পৰাকৈ নিৰ্মাণ কৰা হৈছে সভাঘৰ। অতিথি সকলক আদৰিবলৈ খৈৰাবাৰীৰ বিভিন্ন প্ৰান্তত বড়ো পৰম্পৰাগত নৃত্যৰ আখৰা কৰিছে বড়ো বোৱাৰী- জীয়ৰি সকলে।
অসমৰ লগতে নেপাল, বাংলাদেশ আদিৰ অতিথি তথা দেশ- বিদেশৰ কেইবা লাখ সাহিত্য প্ৰেমীয়ে অহা ২০ জানুৱাৰীৰ পৰা ভীৰ কৰিব দাউহাৰু পথাৰত। ৰাজ্যৰ মুখমন্ত্ৰীৰ পৰা কেন্দ্ৰীয় মন্ত্রীলৈ সকলো উপস্থিত হ'ব বড়ো সাহিত্য সভাৰ অধিবেশত। মুঠতে ব্যাপক প্ৰস্তুতি আৰম্ভ হৈছে দাউহাৰু পথাৰত। সাজু হৈ উঠিছে খৈৰাবাৰীৰ ৰাইজ।
