তিনিচুকীয়া, ১২ ছেপ্টেম্বৰ: গোৰ্খা সম্প্ৰদায়ৰ মহিলাসকলে পালন কৰা এক অন্যতম উৎসৱ হৈছে তীজ উৎসৱ । এই উৎসৱক "ৰিতালিকা তীজ বুলিও কোৱা হয় । গোৰ্খা সম্প্ৰদায়ৰ মহিলাসকলে পৰম্পাৰগতভাৱে পালন কৰি আহিছে এই তীজ উৎসৱ ৷ ৰাজ্যৰ বিভিন্ন প্ৰান্তৰ সমান্তৰালকৈ তিনিচুকীয়া জিলাৰ ফিল'বাৰী আমগুৰিতো উলহ-মালহেৰে তীজ উৎসৱ উদযাপন কৰা হয় ৷
তীজ উৎসৱৰ পহিলা দিনটোত বিবাহিত মহিলাসকলক স্বামীগৃহৰ পৰা মাতৃগৃহলৈ আনি বিভিন্ন খাদ্যৰে আপ্পায়ন কৰা হয় আৰু দ্বিতীয় দিনা হৰিতালিকা ব্ৰত পালন কৰে ৷ এই ব্ৰত অনুযায়ী পুৱাৰে পৰা মহিলা আৰু যুৱতীসকলে এটুপি পানীও নোখোৱাকৈ দেবাদিদেৱ শিৱৰ আৰধনা কৰি পূজা-অৰ্চনা কৰি পৰিয়ালৰ লগতে নিজৰ স্বামীৰ মংগল কামনা কৰে ৷ মাতৃগৃহলৈ অহা মহিলাসকলে দিনটো তীজ গীত গায় নৃত্য কৰি আনন্দ কৰে ।
উল্লেখ্য় যে এই দিনটোতে দেৱী পাৰ্বতীৰ দীৰ্ঘদিনীয়া বিচ্ছেদৰ পিছত তেওঁৰ স্বামী শিৱৰ সৈতে পুনৰমিলন হৈছিল । এই দিনটোত সেউজীয়া,ৰঙা বা হালধীয়া পোছাক পৰিধান কৰি হাত আৰু ভৰিত ৰঙা জেতুকাৰ ডিজাইনত ৰং লগাই তেওঁলোকে মা দেৱীৰ উপাসনা কৰে । নৱবিবাহিত মহিলাৰ বাবে এই উদযাপন বিশেষ গুৰুত্বপূৰ্ণ বুলি কোৱা হয় ।
লগতে পঢ়ক:Nechiphu Tunnel Inaugurated : নেচিফু সুৰংগ উদ্বোধন ৰাজনাথ সিঙৰ; বৰ্ডাৰ ৰোডছৰ ৯০ টা প্ৰকল্পও মুকলি
আনহাতে, যুৱতীসকলে উপযুক্ত বৰ তথা স্বামী লাভৰ বাবে এই ব্ৰত পালন কৰাৰ পৰম্পৰা চলি আহিছে ৷ মূলতঃ নাৰীসকলে পুৰুষৰ দীৰ্ঘায়ু তথা সুস্বাস্থ্য কামনা কৰি পালন কৰা এক উৎসৱ হৈছে এই তীজ উৎসৱ ৷ তিনিচুকীয়া জিলাৰ ফিল'বাৰী আমগুৰি গাঁৱত আমগুৰি স্বস্তি সেৱক যুৱক সংঘ আৰু স্বস্তি সেৱিকা মহালক্ষ্মী মহিলা সমিতিৰ উদ্যোগত অতি উলহ-মালহেৰে তীজ উৎসৱ উৎযাপন কৰে ।
