তিনিচুকীয়া, ৩ অক্টোবৰঃ ৰাজ্যৰ বিভিন্ন প্ৰান্তৰ লগতে উজনিত সংঘটিত হোৱা কয়লা ছিণ্ডিকেটকলৈ বিস্ফোৰক মন্তব্য কংগ্ৰেছৰ নগাঁৱৰ সাংসদ প্ৰদুৎ বৰদলৈৰ ৷ উজনি অসমৰ মাৰ্ঘেৰিটা, জয়পুৰত মুখ্যমন্ত্ৰী সৰ্বানন্দ সোণোৱালৰ চত্ৰ-ছায়াতে চলিছে কয়লা ছিণ্ডিকেট ৷ এই গুৰুতৰ অভিযোগ নগাঁৱৰ সাংসদ প্ৰদুৎ বৰদলৈৰ ৷
বুধবাৰে তিনিচুকীয়াত উপস্থিত হৈয়ে উজনিৰ কয়লা ছিণ্ডিকেটকলৈ ৰাজ্যৰ মুখ্যমন্ত্ৰীৰ ওপৰত গুৰতৰ অভিযোগ উত্থাপন কৰে সাংসদগৰাকীয়ে ৷ সাংসদগৰাকীয়ে কয়,
‘‘মুখ্যমন্ত্ৰীগৰাকীয়ে প্ৰত্যেক পোন্ধৰ দিনৰ মূৰে-মূৰে মাজুলীলৈ যোৱাৰ পৰিৱৰ্তে তিনিচুকীয়ালৈ আহে ৷’’
লগতে কয়,
''যদিহে মুখ্যমন্ত্ৰীৰ পৃষ্ঠপোষকতা নাই তেন্তে কেনেই শ-শ গাড়ী, এক্সেভেটৰে বনাঞ্চল ধ্বংস কাৰ্য চলাবলৈ সাহস পাইছে ? গৃহবিভাগে এই বিষয়ে একো নাজানে নেকি ? ''
খোদ মুখ্যমন্ত্ৰী সৰ্বানন্দ সোণোৱালৰ পৃষ্ঠপোষকতাত চলিছে কয়লা ছিণ্ডিকেটঃ প্ৰদুৎ বৰদলৈ
গতিকে ৰিম’ট চেঞ্চিং এঞ্জেছিৰ তৰফৰ পৰা ছেটেলাইট চিত্ৰ গ্ৰহণ কৰিলেও সকলো কথা পোহৰলৈ আহিব বুলি কয় মুখ্যমন্ত্ৰীক প্ৰত্যাহ্বান গ্ৰহণৰ আহ্বান জনায় প্ৰদুৎ বৰদলৈয়ে ৷
