কেন্দ্ৰীয় মন্ত্ৰী ৰামেশ্বৰ তেলীৰ দ্বাৰা তিনিখনকৈ খেলপথাৰৰ আধাৰশিলা স্থাপন

মুখ্যমন্ত্ৰীৰ গ্ৰাম্য উন্নয়ন যোজনাৰ অধীনত 20 লাখ টকা ব্যয় সাপেক্ষে বুঢ়ীদিহিঙত তিনিখনকৈ খেল পথাৰৰ আধাৰশিলা স্থাপন ৷ আধাৰশিলা স্থাপন কৰিলে কেন্দ্ৰীয় মন্ত্ৰী ৰামেশ্বৰ তেলীয়ে ৷

ডুমডুমা,7 অক্টোবৰঃ মুখ্যমন্ত্ৰীৰ গ্ৰাম্য উন্নয়ন যোজনাৰ অধীনত মাৰ্ঘেৰিটা বিধানসভা সমষ্টিৰ অন্তৰ্গত বুঢ়ীদিহিং মৌজাত মঙলবাৰে তিনিখনকৈ খেলপথাৰৰ আধাৰশিলা স্থাপন কৰা হয় । তিনিওখন খেলপথাৰৰ আধাৰশিলা স্থাপন কৰে কেন্দ্ৰীয় মন্ত্ৰী ৰামেশ্বৰ তেলীয়ে ৷ আঁ‌চনিখনৰ অধীনত প্ৰতিখন খেল পথাৰৰ উন্নয়নৰ বাবে ২০ লাখকৈ টকাৰ আবণ্টন দিছে ৰাজ্য চৰকাৰৰ ক্ৰীড়া বিভাগে ৷

ইপিনে আধাৰশিলা স্থাপন অনুষ্ঠানত কেন্দ্ৰীয় মন্ত্ৰী ৰামেশ্বৰ তেলীৰ সৈতে উপস্থিত থাকে মাৰ্ঘেৰিটাৰ বিধায়ক ভাস্কৰ শৰ্মা, ক্ৰীড়া আৰু যুৱ কল্যাণ বিভাগৰ সদস্য সচিব লক্ষ্য কোঁৱৰ, ৰাজ্যিক বিজেপিৰ উপ-সভাপতি পুলক গোঁহাইৰ লগতে ক্ৰীড়া বিভাগৰ সঞ্চালক ডি কে মিলি ৷

লগতে পঢ়কঃ নৱেম্বৰত সম্পন্ন হ'ব COVAXINৰ অন্তিম পৰ্যায়ৰ পৰীক্ষণ