ডিগবৈত চোকা অস্ত্ৰৰে আক্ৰমণৰ এজনক

ডিগবৈ থানাৰ অন্তৰ্গত ২ নং গোলাইত আজি সন্ধিয়া উজ্জ্বল  বৰগোঁহাই (৫৫) নামৰ এজন ব্যক্তিয়ে চতু মুঢ়া (৪৬) নামৰ আন এজনক চোকা অস্ত্ৰৰে আক্ৰমণ কৰে ৷ আক্ৰমণত বেয়াকৈ আঘাতপ্ৰাপ্ত হয় চতু মুঢ়া নামৰ লোকজন ৷

ডিগবৈ, 31 মে' : ডিগবৈ থানাৰ অন্তৰ্গত ২ নং গোলাইত সোমবাৰে সন্ধিয়া উজ্জ্বল বৰগোঁহাই (৫৫) নামৰ এজন ব্যক্তিয়ে চতু মুঢ়া (৪৬) নামৰ আন এজনক চোকা অস্ত্ৰৰে আক্ৰমণ কৰে ৷ আক্ৰমণত বেয়াকৈ আঘাতপ্ৰাপ্ত হয় চতু মুঢ়া নামৰ লোকজন ৷

স্থানীয় লোকে এই সন্দৰ্ভত খবৰ লাভ কৰাৰ পাচতে লোকজন তাৎক্ষণিকভাৱে ডিগবৈ অসামৰিক চিকিৎসালয়ত ভৰ্তি কৰে চতু মুঢ়াক ৷ কিন্তু লোক জনৰ অৱস্থা অধিক সংকটজন হোৱা বাবে তেওঁক উন্নত চিকিৎসাৰ বাবে ডিব্ৰুগড় অসম চিকিৎসা মহাবিদ্যালয়লৈ প্ৰেৰণ কৰে ৷

এই ঘটনা কিয় সংঘটিত হ'ল সেই সম্পৰ্কত এতিয়ালৈকে জানিব পৰা হোৱা নাই ৷ বৰ্তমান এই ঘটনাৰ সন্দৰ্ভত ডিগবৈ আৰক্ষীয়ে তদন্ত অব্যাহত ৰাখিছে ৷ লগতে উজ্জ্বল বৰগোঁহাইক আটক কৰিবৰ বাবে চেষ্টা অব্যাহত ৰাখিছে ডিগবৈ আৰক্ষীয়ে ৷

লগতে পঢ়ক: আজিও কাৰ্যক্ষম নহ'ল বৰবালি সমীপৰ দৈয়াং নৈ জলসিঞ্চন আঁচনি