ডুমডুমা,20 ফেব্ৰুৱাৰী: নিজৰ একাগ্ৰতা আৰু পিতৃ-মাতৃৰ আপ্ৰান প্ৰচেষ্ঠাত শেহতীয়াকৈ ইণ্ডিয়া বুক অফ ৰেকৰ্ডচ’ত নিজৰ নাম অন্তৰ্ভুক্ত কৰিবলৈ সক্ষম হৈছে কাকপথাৰৰ প্ৰাংশু চেতিয়া নামৰ এটি শিশুৱে । পাঞ্জাৱী, বেংগলীৰ পৰা নেপালীলৈ, মিচিঙৰ পৰা মালায়ালামলৈ মুঠ ২৬ টা ভাষাত কবিতা আবৃত্তি কৰি প্ৰাংশু চেতিয়াই ইণ্ডিয়া বুক অফ ৰেকৰ্ডচ’ত নিজৰ নাম অন্তৰ্ভুক্ত কৰিবলৈ সক্ষম হৈছে ।
উল্লেখযোগ্য যে, ইয়াৰ পূৰ্বেও প্ৰাংশু চেতিয়াই ১৬ টা বিভিন্ন ভাৰতীয় ভাষাত কবিতা আবৃত্তি কৰি অসম বুক অফ ৰেকৰ্ডচ’ত নিজৰ নাম অন্তৰ্ভুক্ত কৰিবলৈ সক্ষম হৈছিল । কাকপথাৰ নিৱাসী শিক্ষক পিতৃ প্ৰাঞ্জল চেতিয়া আৰু শিক্ষয়িত্ৰী মাতৃ জিন্টি মহনৰ ৮ বছৰীয়া পুত্ৰ তথা কাকপথাৰ শংকৰদেব শিশু বিদ্যা নিকেতনৰ তৃতীয় শ্ৰেণীৰ ছাত্ৰ প্ৰাংশু চেতিয়াৰ এই সফলতাত পিতৃ-মাতৃৰ লগতে অঞ্চলবাসী উৎফুল্লিত হৈছে ।
লগতে পঢ়ক: বিশ্বনাথত দ্ৰুতবেগী স্কৰপিঅ'ই মহটিয়ালে বাইক আৰোহীক
