তিনিচুকীয়া, 9 মে': ডিগবৈত প্ৰশাসনৰ নীৰৱতাৰ সুযোগ গ্ৰহণ কৰি একাংশ অসাধু ব্যৱসায়ীয়ে দীৰ্ঘদিনীয়া লক্ ডাউনৰ সময়ছোৱাত, ৰেড জ'নৰ পৰা মাছ, শাক-পাচলি আদি বিক্ৰী কৰি আহিছে বুলি অভিযোগ উত্থাপন হৈছে । আনহাতে ডিগবৈত এচাম লোকে গুটখা, চিখৰ, চিগাৰেটৰ ক'লা বজাৰ চলাই বুলিও অভিযোগ উত্থাপন কৰিছে একাংশ লোকে ।
ডিগবৈত একাংশ ব্যৱসায়ীৰ বিৰুদ্ধে কঠোৰ বিধায়ক
শনিবাৰে ডিগবৈৰ বিধায়ক সুৰেন ফুকনে অবৈধভাৱে বহা বজাৰ সমূহত অভিযান চলাই কঠোৰ হোৱা পৰিলক্ষিত হয় । লগতে ৰেড জ'নৰ পৰা অহা শাক- পাচলি, মাছ-মাংস বিক্ৰী নকৰিবলৈ ব্যৱসায়ী সকলক সকিয়াই দিয়ে । আৰক্ষী প্ৰশাসনকো অবৈধ ব্যৱসায়ী সকলৰ বিৰুদ্ধে কঠোৰ হ'বলৈ নিৰ্দেশ প্ৰদান কৰে বিধায়ক গৰাকীয়ে ।
লগতে পঢ়ক : বটদ্ৰৱাত কৃষক সন্মান নিধিৰ নামত লক্ষাধিক টকা আত্মসাৎ
