2 মে' শদিয়া : সমাগত বাৰিষাই ৰাজ্যলৈ কঢ়িয়াইছে আন এক চিন্তা ৷ প্ৰতিবছৰৰ দৰে বাৰিষাৰ আগমূৰ্হূত্বত মথাউৰি সমূহৰ নিৰ্মাণ কাম আৰম্ভ হৈছে ৰাজ্যত ৷ কিন্তু লক্ ডাউনৰ বাবে এই নিৰ্মাণত কিছু স্থবিৰতা আহি পৰিছে ৷ তিনিচুকীয়া জিলাৰ অতিকৈ ভয়ংকৰ সমস্যা ডিৰাক চুমনি বান্ধৰো নিৰ্মাণৰ কাম ইতিমধ্যে আৰম্ভ কৰিছে জলসম্পদ বিভাগে ৷ 4 কোটি, 80 লাখ টকা ব্যয়েৰে জলসম্পদ বিভাগে আৰম্ভ কৰিছে মথাউৰিটোৰ নিৰ্মাণ ৷ তিনিচুকীয়া প্ৰণৱ চেতিয়া নামৰ ঠিকাদাৰ জনৰ তদাৰকত মথাউৰিটোৰ চল্লিশ শতাংশ কাম ইতিমধ্যে সমাপ্ত হৈছে ৷
যোৱা বৰ্ষৰ মে' মাহৰ ৫ তাৰিখে ৰাজ্যৰ জলসম্পদ মন্ত্ৰী কেশৱ মহন্তই উক্ত মথাউৰিতো পৰিদৰ্শন কৰি পিচ দিনাৰে পৰা মথাউৰিটোৰ নিৰ্মাণৰ কাম আৰম্ভ হ'ব বুলি ৰাজহুৱাকৈ প্ৰতিশ্ৰুতি দিছিল যদিও বিগত বৰ্ষত কোনা কাম নহ'ল মথাউৰিটোত ৷ চলিত বৰ্ষৰ মাৰ্চ মাহৰ প্ৰথম ভাগত SOPT আচঁনিৰ যোগেদি কাম আৰম্ভ হৈছিল যদিও দেশত আৰম্ভ হোৱা লক্ ডাউনৰ বাবে মাজত এটা মাহে বন্ধ হৈ আছিল নিৰ্মাণৰ কাম ৷
লক ডাউন শিথিল কৰাত নিৰ্মাণৰ কাম পুনৰ আৰম্ভ হৈছে মথাউৰিটোত ৷ বাৰিষাৰ পূৰ্বেই মথাউৰিটোৰ নিৰ্মাণ সম্পূৰ্ণ হৈ উঠিব নে নাই সেয়াহে লক্ষণীয় হ'ব ৷
লগতে পঢ়ক : বঙাইগাঁৱত নিচাসক্ত পুত্ৰক হত্যা পিতৃৰ
