শদিয়া, 24 ছেপ্তেম্বৰ: তিনিচুকীয়া জিলাৰ অন্যতম ক্ষুদ্ৰ চহৰ কাকপথাৰৰ দৈনিক বজাৰ পৰিদৰ্শন কৰে তিনিচুকীয়া জিলা পৰিষদৰ কাৰ্যবাহী বিষয়া সাৰংগপাণি শৰ্মাই ৷ বজাৰখনৰ অস্বাস্থ্যকৰ পৰিৱেশৰ লগতে ভিন্ন সমস্যা সমূহৰ বুজ লয় বিষয়া গৰাকীয়ে ৷ জিলা পৰিষদৰ কেইবাগৰাকীও সদস্যক লগত লৈ বিষয়াগৰাকীয়ে সমস্যা সমূহৰ বুজ লৈ সেইবোৰ অতি শীঘ্ৰেই সমাধানৰ আশ্বাস প্ৰদান কৰে ৷ লগতে এই ক্ষেত্ৰত বজাৰৰ ব্যৱসায়ী তথা আন আন লোকসকলকো সহযোগিতা আগবঢ়াবলৈ আহ্বান জনায় বিষয়া গৰাকীয়ে ৷
আনহাতে তিনিচুকীয়া জিলা পৰিষদৰ কাৰ্যবাহী বিষয়াগৰাকীক মৰাণ ছাত্ৰ সন্থাৰ কাকপথাৰ আঞ্চলিক সমিতিয়ে বজাৰখনৰ বিভিন্ন সমস্যা সমাধানৰ দাবীৰে এখন স্মাৰক পত্ৰও প্ৰদান কৰে ৷
লগতে পঢ়ক: বঙাইগাঁৱত অচিন ৰোগত আক্ৰান্ত হৈছে শ শ বিঘাৰ ধান খেতি
