শদিয়া,23 জুলাইঃ তিনিচুকীয়া জিলাৰ শদিয়া সমষ্টিৰ অন্তৰ্গত ডিৰাক পাৱৈ আৰু 2নং ডিৰাক সংযোগী পথ আৰু দলং নিৰ্মাণত ব্যাপক অনিয়ম আৰু দুৰ্নীতিৰ অভিযোগ উত্থাপন হৈছে । গড়কাপ্তানি বিভাগ আৰু ঠিকাদাৰ বিনয় ভৰদ্বাজৰ বিৰুদ্ধে দুৰ্নীতিৰ গুৰুতৰ অভিযোগ উত্থাপন কৰিছে স্থানীয় ৰাইজে ৷ 2018 চনতে আৰম্ভ কৰা কামৰ নিৰ্মাণ কাৰ্য এতিয়ালৈকে সম্পূৰ্ণ হৈ উঠা নাই ৷ ইফালে নৱনিৰ্মিতি ৰাস্তাটোৰ কিছু অংশ নিৰ্মাণ কৰাৰ পিছতে পথটো ভাগি যোৱাৰ অভিযোগ উত্থাপন হোৱাৰ লগতে দলং নিৰ্মাণৰ কামো আধৰুৱা কৰাৰ অভিযোগ স্থানীয় ৰাইজৰ ৷
2019 চনৰ আগষ্ট মাহত কাম সমাপ্ত কৰাৰ কথা আছিল যদিও ঠিকাদাৰজনে এইক্ষেত্ৰত কোনো ধৰণৰ গুৰুত্ব নিদিয়াৰ অভিযোগ উত্থাপন হৈছে ৷ উল্লেখ্য যে, তিনিচুকীয়াৰ এম এছ বিনয় ভৰদ্বাজ নামৰ ঠিকাদাৰজনে 4.50 কিল'মিটাৰ দৈৰ্ঘ্যৰ পথটো আৰু দলংখন 3 কোটি, 28 লাখ টকাৰে নিৰ্মাণ কৰাৰ দায়িত্ব লৈছিল ৷ প্ৰধানমন্ত্ৰী গ্ৰাম চড়ক যোজনা আঁচনিৰ যোগেদি নিৰ্মাণ কৰা হৈছিল উক্ত পথছোৱা ৷
লগতে পঢ়কঃঅসৎ কাৰ্য চৰিতাৰ্থ কৰিবলৈ নিদিয়াৰ বাবেই খুড়ীয়েক দাৰে আক্ৰমণ
