তিনিচুকীয়া, ১৫ ডিচেম্বৰ: সোমবাৰে এক সংবাদমেল সম্বোধন কৰি বদৌচা স্পৰ্টছ ক্লাবৰ নেতৃত্বই চলিত বৰ্ষত অনুষ্ঠিত হ'বলগীয়া ফুটবল খেল প্ৰতিযোগিতাৰ দিন ঘোষণা কৰে । তিনিচুকীয়া জিলা ক্রীড়া সন্থাৰ কাৰ্যালয়ত অনুষ্ঠিত সংবাদমেলত সদৌ মৰাণ ছাত্ৰ সন্থাৰ প্ৰাক্তন সভাপতি অৰুণজ্যোতি মৰাণে কয় যে, আগৰ কেইবছৰৰ দৰে এইবাৰ COVID-১৯ৰ বাবে আন্তঃৰাষ্ট্ৰীয় পৰ্যায়ত খেলখন অনুষ্ঠিত কৰা নহয় ।
অসম তথা উত্তৰ-পূৰ্বাঞ্চলৰ আগশাৰীৰ ফুটবল প্ৰতিযোগিতাখন অহা ১৭ ডিচেম্বৰৰ পৰা ৩১ ডিচেম্বৰলৈ অনুষ্ঠিত কৰা হ'ব । তিনিচুকীয়া জিলাৰ ১৫টা আৰু ডিব্ৰুগড় জিলাৰ ১টা স্থানত অনুষ্ঠিত কৰা হ'ব । ৰাজ্যৰ ভিন্ন প্ৰান্তৰ মুঠ ৪২ টা আগশাৰীৰ ফুটবল দলে অংশগ্ৰহণ কৰিব বুলিও জনায় বদৌচা স্পৰ্টছ ক্লাবে । প্ৰতিযোগিতাখনত ৰাইজৰ উপস্থিতি আৰু সহযোগিতা কামনা কৰিছে আয়োজক কমিটীয়ে ।
