ডুমডুমা, 21 নৱেম্বৰঃ তিনিচুকীয়া জিলাৰ ডুমডুমা আৰু ইয়াৰ দাঁতিকাষৰীয়া অঞ্চলসমূহত সঘনাই সংঘটিত ডকাইতি কাণ্ডৰ বিৰুদ্ধে প্ৰতিবাদ সদৌ অসম চাহ জনজাতি ছাত্ৰ সন্থা চমুকৈ আটছাৰ ৷ জিলাখনৰ ডুমডুমা, বাঘজান,বৰডুবি আদি অঞ্চলত বিগত কিছুদিন ধৰি সঘনাই সংঘটিত হৈ আহিছে এটাৰ পিছত আনটো ডকাইতি কাণ্ড ৷ আনহাতে, এই ডকাইতি কাণ্ডৰে জড়িত দুৰ্বৃত্তক কৰায়ত্ব কৰি সাধাৰণ ৰাইজক সুৰক্ষা প্ৰদানত সম্পূৰ্ণৰূপে ব্যৰ্থ হৈছে আৰক্ষী ৷ ইয়াৰ প্ৰতিবাদতে শনিবাৰে আটছাৰ ডুমডুমা আঞ্চলিক সমিতিৰ উদ্যোগত আৰু কেইবাটাও শাখা সমিতিৰ সহযোগত বাঘজান থানাৰ সন্মুখত সাব্যস্ত কৰা হয় প্ৰতিবাদ ৷
উল্লেখ্য যে, কিছুদিন পূৰ্বে বাঘজান আৰক্ষী থানাৰ অন্তগৰ্ত গটং দৰ্জিজান গাৱঁত অস্ত্ৰধাৰী ডকাইতৰ দলে চাৰিজনীয়া যুৱতীৰ দলক চোকা অস্ত্ৰ দেখুৱাই নগদ ধনসহ ম’বাইন ফোন লৈ যায় ৷ ইয়াৰ উপৰিও কিছুদিন পূৰ্বে এগৰাকী পঞ্চায়ত সচিবক অস্ত্ৰধাৰী ডকাইতৰ দলে ডুমডুমা ৰূপাইৰ পথত আগভেটি ধৰি বহু গুৰুত্বপূৰ্ণ নথি-পত্ৰৰ লগতে নগদ ধন আৰু মোবাইল ফোন লৈ যোৱাৰ লগতে ষট্ পূজাস্থলীত দুৰ্বৃত্তৰ এটা দলে অস্ত্ৰ দেখুৱাই হোণ্ডা জেনেৰেটৰ' এটা লৈ পলায়ন কৰে । এইসমূহ ডকাইডি কাণ্ডৰে জড়িত কোনো দুৰ্বৃত্তৰে তথ্য লাভ কৰিবলৈ সক্ষম হোৱা নাই আৰক্ষীয়ে ৷ সেয়েহে দুৰ্বৃত্তক অতিশীঘ্ৰে কৰায়ত্ব কৰি কঠোৰ শাস্তি বিহাৰ লগতে জনসাধাৰণক সুৰক্ষা প্ৰদান কৰিবলৈ চৰকাৰ তথা প্ৰসাশনক দাবী জনায় আটছাই ৷
লগতে পঢ়ক-সাংসদ পদ ত্যাগ কৰিলে বিশ্বজিৎ দৈমাৰীয়ে : দেওবাৰে যোগ দিব বিজেপিত
