হস্তীৰো পিচলে পাও, নলাত সোমাল গজৰাজ !

খবৰৰ ভিত্তিত আৰক্ষী আৰু বন বিভাগৰ লোক ঘটনাস্থলীত উপস্থিত হৈ হাতী পোৱালীটো উদ্ধাৰ কৰিবলৈ সক্ষম হয় । তদুপৰি স্থানীয় ৰাইজে ভোকাতুৰ পোৱালীটোক খাদ্যৰ যোগান ধৰে ৷

ডুমডুমা, 16 নৱেম্বৰ: সম্প্ৰতি ৰাজ্যত দিনক দিনে বৃদ্ধি পাবলৈ লৈছে হাতী মানুহৰ সংঘাত ৷ এই সংঘাত অব্যাহত থকাৰ মাজতে শনিবাৰে পুৱা পেঙেৰীৰ ১ নং ডিব্ৰুজানত এটা বনৰীয়া হাতী পোৱালী উদ্ধাৰ কৰা হয় । জানিব পৰা মতে, খাটাংপানী আঞ্চলিক বন সংমণ্ডলৰ অন্তৰ্গত আপাৰ বুঢ়ীদিহিং বনাঞ্চলৰ পৰা খাদ্যৰ সন্ধানত ওলাই অহা হাতীৰ জাকৰ পৰা পোৱালীটো বিচ্ছিন্ন হয় ৷ স্থানীয় ৰাইজে এটা নলাত হাতী পোৱালীটো আৱদ্ধ হৈ থকা অৱস্থাত প্ৰত্যক্ষ কৰি পেঙেৰী আৰক্ষী তথা খাটাংপানী আঞ্চলিক বনবিষয়াৰ কাৰ্যালয়ত খবৰ দিয়ে । স্থানীয় ৰাইজৰ খবৰৰ ভিত্তিত আৰক্ষী আৰু বন বিভাগৰ লোক ঘটনাস্থলীত উপস্থিত হৈ হাতী পোৱালীটো উদ্ধাৰ কৰিবলৈ সক্ষম হয় । তদুপৰি স্থানীয় ৰাইজে ভোকাতুৰ পোৱালীটোক খাদ্যৰ যোগান ধৰে ৷ ইপিনে হাতীটোক চিকিৎসকৰ সহায়ত প্ৰাথমিক চিকিৎসা প্ৰদান কৰে বনবিভাগে । আনহাতে বনবিভাগে পৰৱৰ্তী সময়ত হাতী পোৱালীটো কাজিৰঙালৈ নিয়াৰ ব্যৱস্থা কৰা হ’ব বুলি জানিবলৈ দিছে ৷

লগতে চাওক:কামৰূপৰ ইয়াছিন আলীৰ উদ্ভাৱনে দৃষ্টি কাঢ়িছে সকলোৰে