তিনিচুকীয়া,27 আগষ্ট: আজিৰে পৰা কংগ্ৰেছৰ ‘‘বাগানে বাগানে কংগ্ৰেছ’’ শীৰ্ষক কাৰ্যসূচী আৰম্ভ হৈছে ৷ দেওবাৰে ডুমডুমাৰ ৰূপাই চাহ বাগিচা পৰা কংগ্ৰেছৰ এই বিশেষ কাৰ্যসূচী শুভাৰম্ভ কৰে ৷ অনুষ্ঠানত উপস্থিত আছিল প্ৰদেশ কংগ্ৰেছৰ সভাপতি ভূপেন বৰাৰ লগতে কেইবাজনো প্ৰাক্তন মন্ত্ৰী-বিধায়ক ৷
‘‘বাগানে বাগানে কংগ্ৰেছ’’ শীৰ্ষক কাৰ্যসূচী শুভাৰম্ভ কাৰৰ পাচতে চৰকাৰক সমালোচনা কৰে ভূপেন বৰাই ৷ বিশেষকৈ বিজেপি বিধায়ক মৃণাল শইকীয়াৰ পদত্যাগ সন্দৰ্ভত ভূপেন বৰাই কয়,‘‘মৃণাল শাইকীয়াই বুজি পাইছে তেওঁ যে আগন্তুক নিৰ্বাচনত বিজেপিৰ পৰা টীকত নাপায় ৷ তেওঁ গম পাইছে মুখ্যমন্ত্ৰীয়ে তেওঁৰ স্থানত বিকল্প বিচাৰি আছে ৷ সেয়ে টীকটৰ পৰা বঞ্চিত হোৱাৰ পূৰ্বে পদত্যাগ কৰা এক অনুষ্ঠানিকতা প্ৰকাশ কৰিছে ৷ সন্মান ৰক্ষাৰ বাবেহে তেওঁ এখন কাগজ দিছে ৷’’
বৰ্তমানৰ ৰাজনীতিৰ সন্দৰ্ভত বৰাই কয় যে বৰ্তমান জাত-পাতৰ মাজত বিভাজন অনাৰ সময় শেষ হৈছে ৷ এতিয়া প্ৰধানত দুখন সমাজ দেখা গৈছে, সেয়া হৈছে ধনী আৰু দুখীয়া ৷ ধনী আৰু দুখীয়া সমাজৰ মাজৰ বেৰাখন এতিয়া শক্তিশালী আৰু ওখ হৈ গৈ আছে ৷ ধনীৰ বেৰখন অধিক শক্তিশালী হৈছে, তুলনাত দুখীয়াসকল অধিক দুখীয়া হৈছে ৷ গতিকে ইয়াৰ দূৰত্ব কেনেকৈ কমাব পাৰি তাৰেই এক চেষ্টা কৰাৰ বাবে পৰামৰ্শ গ্ৰহণ কৰা হৈছে ৷
‘‘বাগানে বাগানে কংগ্ৰেছ’’ শীৰ্ষক বিষয়ৰ সন্দৰ্ভত প্ৰদেশ কংগ্ৰেছৰ সভাপতিগৰাকীয়ে কয় যে, বাগানৰ প্ৰতিজন লোকৰ সৈতে মই কথা পাতিছো ৷ বৰ্তমানৰ চৰকাৰখনে বিশ্বাসঘাত কৰাৰ বাবে অসন্তুষ্ট ৷ প্ৰতিজন বাগানৰ কৰ্মীয়ে পৰিৱৰ্তনৰ কথা কৈছে ৷
লগতে পঢ়ক:AJP General Meeting: তিনিচুকীয়াত অজাপৰ সাধাৰণ অধিৱেশন; বিজেপিক আক্ৰমণ লুৰীণৰ
