তিনিচুকীয়া , 3 আগষ্টঃ ৰাজ্যৰ প্ৰান্তে-প্ৰান্তে অব্যাহত আছে অখিল গগৈৰ মুক্তিৰ দাবীত প্ৰতিবাদী কাৰ্যসূচী ৷ সোমবাৰেও তিনিচুকীয়াৰ বাহাদুৰ চাৰিআলিত কৃষক নেতা গৰাকীৰ মুক্তিৰ দাবীত প্ৰতিবাদী কাৰ্যসূচী ৰূপায়ণ কৰে অসম জাতীয়তাবাদী যুৱ ছাত্ৰ পৰিষদে ৷ সংগঠনটোৰ বৰডুবি আঞ্চলিক সমিতিৰ উদ্যোগত কৃষক নেতা গৰাকীৰ মুক্তি তথা নাগৰিকত্ব সংশোধনী আইন বাতিল কৰাৰ দাবীত মানৱ শৃংখল কাৰ্যসূচীৰ জৰিয়তে পালন কৰা হয় প্ৰতিবাদী কাৰ্যসূচী ৷
প্ৰতিবাদস্থলীৰ পৰাই সংগঠনটোৰ নেতৃত্বই চৰকাৰক সকীয়নি প্ৰদান কৰি কয় যে, কোভিড 19য়ে সৃষ্টি কৰা সাম্প্ৰতিক পৰিস্থিতিৰ প্ৰতি লক্ষ্য ৰাখি এই আন্দোলন স্থৱিৰ কৰা হৈছিল যদিও জাতি ৰক্ষাৰ স্বাৰ্থত এই আন্দোলন পুনৰ আৰম্ভ কৰা হৈছে আৰু ভৱিষ্যতেও জংগী ৰূপত এই আন্দোলন চলাই যোৱা হ’ব ৷ অতিশীঘ্ৰে নাগৰিকত্ব সংশোধনী আইন বাতিল কৰাৰ লগতে 8 মাহৰো অধিক সময় কাৰাৰুদ্ধ কৰি ৰখা কৃষকনেতা অখিল গগৈক মুকলি কৰি দিবলৈ দাবী জনায় সংগঠনটোৱে ৷
লগতে পঢ়কঃকোৱাৰেন্টাইন পৰিয়ালৰ খেতিৰ দায়িত্ব ল'লে গাঁওবাসীয়ে
