কাকপথাৰ, 3 ছেপ্তেম্বৰ : ৰাজ্যত ক'ভিড-19 ৰ ত্ৰাস অব্যাহত থকাৰ সময়তে চিনিচুকীয়া জিলাৰ কাকপথাৰত আধাৰ কাৰ্ডৰ নামত গ্ৰাহকৰ পৰা উৎকোচ লোৱাৰ অভিযোগ উত্থাপন হৈছে ৷ কাকপথাৰৰ মাইথঙত থকা আধাৰ কাৰ্ড কেন্দ্ৰটোত প্ৰতিগৰাকী গ্ৰাহকৰ পৰা 150 টকাৰ পৰা 170 টকা লৈকে ধন লোৱাৰ গুৰুতৰ অভিযোগ গ্ৰাহকৰ ৷
আনহাতে, নিয়ম অনুযায়ী কেন্দ্ৰটোত প্লাষ্টিক কাৰ্ড বনাব বিচৰা লোকৰ পৰা ক্ষুদ্ৰতম ধন ল'ব পাৰে যদিও সেইয়া প্ৰতিগৰাকী লোকে দিবই লাগিবই বুলি কোনো ধৰণৰ বাধ্য বাধকতা নাই ৷ কিন্তু উক্ত কেন্দ্ৰটোত ধন দিলেহে আধাৰ কাৰ্ডৰ বাবে আবেদন কৰাৰ ব্যৱস্থা কৰা হৈছে বুলি ভুক্তভোগী গ্ৰাহকে উল্লেখ কৰিছে ৷
ইফালে, আধাৰ কাৰ্ড কেন্দ্ৰটোৰ বিৰুদ্ধে 2019 বৰ্ষতে প্লাষ্টিক কাৰ্ড বনাই দিয়া হ'ব বুলি ধন লোৱা হৈছিল কিন্তু আজিকোপতি প্লাষ্টিক কাৰ্ড পোৱা নাই বুলিও গ্ৰাহকে মন্তব্য প্ৰদান কৰিছে ৷ লগতে, আধাৰ কাৰ্ড কেন্দ্ৰটোত ক'ভিড প্ৰট'কল ভংগ কৰাৰো অভিযোগ উত্থাপন হৈছে ৷
লগতে পঢ়ক : ৰাষ্ট্ৰীয় সংবাদ মাধ্যম চৰকাৰী পক্ষৰ পকেটৰ ৰুমাল : প্ৰদ্যুৎ বৰদলৈ
