তিনিচুকীয়া,28 ছেপ্তেম্বৰ : অসমবাসীৰ বাবে এক ভাল খবৰ ৷ হিমাচল প্ৰদেশৰ ইন্দিৰা গান্ধী ষ্টেডিয়ামত হ'ব লগা ৱাক’ ইণ্ডিয়া কিক বক্সিং প্ৰশিক্ষণ শিবিৰত অংশগ্ৰহণ কৰিবলৈ সুবিধা লাভ কৰিছে তিনিচুকীয়াৰ তিনি গৰাকী খেলুৱৈয়ে । ১ অক্টোবৰ পৰা ৭ অক্টোবৰলৈকে হিমাচল প্ৰদেশৰ ইন্দিৰা গান্ধী ষ্টেডিয়ামত অনুষ্ঠিত হ'ব WAKO INDIA NATIONAL KICKBOXING TRAINING CAME-2021 ।
য'ত ৱাক’ ইণ্ডিয়া কিক বক্সিঙৰ সাধাৰণ সম্পাদক অৰবিন্দ পেটেলৰ নেতৃত্বত সমগ্ৰ অসমৰ হৈ ১৬ গৰাকী খেলুৱৈয়ে অংশগ্ৰহণ কৰিব ৷ তাৰে তিনিচুকীয়াৰ জিলাৰ পৰা দীপশিখা ৰাভা, নমিতা গুৱালা আৰু কমল শৰ্মায়ে অংশগ্ৰহণ কৰিব । এই কথা সোমবাৰে সংবাদমেল যোগে সদৰি কৰে ৱাক’ ইণ্ডিয়া কিক বক্সিঙৰ সাধাৰণ সম্পাদক অৰবিন্দ পেটেল আৰু সভাপতি ৰাঘৱ প্ৰসাদে ।
অসমৰ পৰা যাবলৈ ওলোৱা খেলুৱৈ সকলক লৈ যথেষ্ট আশাবাদী ৱাক’ ইণ্ডিয়া কিক বক্সিঙৰ সাধাৰণ সম্পাদক অৰবিন্দ পেটেল আৰু ৱা'ক কিক বক্সিঙ তিনিচুকীয়া জিলাৰ সভাপতি ৰাঘৱ প্ৰসাদ ৷ তেওঁলোকৰ আশা উক্ত প্ৰশিক্ষণ শিবিৰত উন্নত প্ৰদৰ্শন দেখুৱাই খেলুৱৈ কেইগৰাকীয়ে অসমলৈ অসম তথা তিনিচুকীয়া জিলা খনলৈ গৌৰৱ কঢ়িয়াই আনিব ৷
লগতে পঢ়ক: 28 ছেপ্তেম্বৰ : বিশ্ব জলাতংক দিৱস
