নাগৰিকত্ব সংশোধনী বিধেয়কৰ বিৰুদ্ধে সৰৱ জুবিন গাৰ্গ

শিল্পী সমাজক একত্ৰিত কৰি নাগৰিকত্ব সংশোধনী বিধেয়কৰ বিৰোধিতা কৰাৰ ইংগিত জুবিনৰ ৷ বিষয় সন্দৰ্ভত বিভিন্ন ৰাজনৈতিক দল সংগঠনৰ লগত আলোচনা কৰাৰ কথা ব্যক্ত কৰে জুবিনে ৷

তেজপুৰ, 3 ডিচেম্বৰঃ নাগৰিকত্ব সংশোধনী বিধেয়কৰ বিৰুদ্ধে সৰৱ জুবিন গাৰ্গ ৷ শিল্পী সমাজক একত্ৰিত কৰি বিধেয়কখনৰ বিৰোধিতা কৰাৰ ইংগিত জুবিন গাৰ্গৰ ৷ বিষয়টো সন্দৰ্ভত বিভিন্ন ৰাজনৈতিক দল সংগঠনৰ সৈতে আলোচনা কৰাৰ কথা ব্যক্ত কৰে জুবিনে ৷ শিল্পী গৰাকীয়ে আৰু কয় যে, সমগ্ৰ দেশৰ ভিতৰতে এটা সদ্ভাৱ থকাৰ সময়তে যদি বেয়া বস্তু এটা আহি সোমায় পৰে সি সকলোকে ক্ষতি কৰিব ৷
উল্লেখ্য যে,তেজপুৰত অনুষ্ঠিত জুবিন একাদশ আৰু শোণিতপুৰ জাৰ্নেলিষ্ট ইউনিয়নৰ দিবা নৈশ ফুটবল খেলত অংশ লয় শিল্পীগৰাকীয়ে ৷ ফুটবল খেলত ভাগ লৈ তেখেতে সাংবাদিকৰ লগত খেলত অংশ লৈ ভাল লগা বুলি মন্তব্য কৰে ৷ শোণিতপুৰ জাৰ্নেলিষ্ট ইউনিয়নে জুবিন একাদশক 5-2 গলৰ ব্যৱধানত পৰাস্ত কৰে।

আৰু পঢ়ক- টীয়কত ব্যতিক্ৰমী দৃশ্যঃ চোৰে দিলে চোৰক নীতি শিক্ষা