তেজপুৰ, 5 জুলাই : ৰাজ্যত বৰ্তমানেও অব্যাহত আছে ৷ ক'ভিড পৰিস্থিতি নিয়ন্ত্ৰণৰ বাবে ৰাজ্য চৰকাৰে বিভিন্ন পদক্ষেপ গ্ৰহণ কৰিছে যদিও নিয়ন্ত্ৰণলৈ অহা নাই পৰিস্থিতি ৷ ইয়াৰ মাজতে সোমবাৰে শোণিতপুৰ জিলা স্বাস্থ্য বিভাগে প্ৰকাশ কৰিছে চমৎকাৰী তথ্য ৷ সোমবাৰৰ দিনটোত অভিলেখ সংখ্যকভাৱে জিলাখনত 11,773 জনৰ লোকৰ ক'ভিড পৰীক্ষা কৰা হয় বুলি তথ্য প্ৰকাশ কৰিছে শোণিতপুৰ জিলা স্বাস্থ্য বিভাগে ৷ উল্লেখ্য যে, স্বাস্থ্যমন্ত্ৰীৰ ঘোষণাৰ পিছতে জিলাখনত এক সপ্তাহৰ ভিতৰতে ক'ভিড-19 নিৰ্মূলৰ চমৎকাৰী পদক্ষেপ গ্ৰহণ কৰিছে জিলা স্বাস্থ্য বিভাগে ৷
শোণিতপুৰ জিলা স্বাস্থ্য বিভাগে প্ৰকাশ কৰা তথ্য অনুসৰি, সোমবাৰে দিনটোত তেজপুৰ চিকিৎসা মহাবিদ্যালয় হাস্পতালত চাৰিজনকৈ ক'ভিড ৰোগীৰ মৃত্যু হোৱাৰ বিপৰীতে সমগ্ৰ জিলাখনত 11,773 গৰাকী লোকৰ ক'ভিড পৰীক্ষা কৰা হয় ৷ কিন্তু অতি লক্ষণীয়ভাৱে এই পৰীক্ষণ কোনো ভেকচিন কেন্দ্ৰত দেখিবলৈ পোৱা নগ’ল ৷ সোমবাৰে জিলাখনত পুনৰ কভিডত আক্ৰান্ত হৈছে 51 জন শিশু আৰু কিশোৰ কিশোৰী ৷
ইফালে ৰাজ্যৰ স্বাস্থ্য বিভাগে 4 জুলাই লৈকে দিয়া তথ্য অনুসৰি, শোণিতপুৰ জিলাৰ আক্ৰান্তৰ সংখ্যা 1,858 জন আৰু যোৱা 24 ঘণ্টাত আক্ৰান্তৰ সংখ্যা 331 জন ৷
সোমবাৰে দিনটোত জিলাখনত পুনৰ 4 জন ক'ভিড আক্ৰান্ত হৈ মৃত্যু ঘটে ৷ ইয়াৰে তিনিজনৰ তেজপুৰ চিকিৎসা মহাবিদ্যালয়ত আৰু এজনৰ গুৱাহাটীৰ এখন ব্যক্তিগত চিকিৎসালয়ত মৃত্যু ঘটে ৷ ইয়াৰ লগে লগে জিলা খনত বৰ্তমানলৈকে মৃত্যুৰ সংখ্যা 196 জন ৷ জিলাখনত সোমবাৰে পুনৰ জন শিশু আৰু কিশোৰ-কিশোৰীৰ আক্ৰান্ত হৈছে ৷
আনহাতে বিশ্বনাথ জিলাত সোমবাৰৰ দিনটোত 4773 টা পৰীক্ষাৰ অন্তত 103 জন আক্ৰান্তক চিকিৎসালয় লৈ প্ৰেৰণ কৰা হয় ৷ ইয়াৰে এজনৰ মৃত্যু হয় ৷ লগতে লখিমপুৰ জিলাত 5087 জনৰ পৰীক্ষা কৰাৰ পিছত 145 জন আক্ৰান্ত হোৱাৰ লগতে এপ্ৰিল মাহৰ পৰা 77 জন লোকৰ মৃত্যু হৈছে ৷ কিন্তু ৰাজ্যৰ স্বাস্থ্য বিভাগে লখিমপুৰ আৰু বিশ্বনাথ জিলাৰ সংক্ৰমণৰ বাবে উদ্বিগ্ন হোৱাটো লক্ষণীয় ৷
লগতে পঢ়কঃ গুৱাহাটীত পৰ্যালোচনা বৈঠকত কেন্দ্ৰীয় মন্ত্ৰী পুৰোষোত্তম ৰূপালা
