ৰঙাপৰাত পথ দুৰ্ঘটনা: নিহত এজন

ৰঙাপৰত সংঘটিত হোৱা পথ দুৰ্ঘটনাত এজন নিহত হোৱাৰ বিপৰিতে আহত হয় এজন ৷ ৰঙাপৰা আৰক্ষীয়ে ঘটনাস্থলীত উপস্থিত হৈ অব্যাহত ৰাখিছে তদন্ত ৷

শোণিতপুৰ,6মাৰ্চ: শোণিতপুৰ জিলাৰ ৰঙাপৰাত ভয়ংকৰ পথ দুৰ্ঘটনা ৷ ৰঙাপৰা মহাবিদ্যালয়ৰ সমীপত সংঘটিত হয় পথ দুৰ্ঘটনাটি ৷ দুৰ্ঘটনাটোত এজন নিহত হোৱাৰ লগতে আহত হয় এজন ৷

চাৰিদুৱাৰ মোলানপুখুৰীৰ সুশিল মাৰাল আৰু আনন্দ তপ্ন নামৰ যুৱক দুজনে মটৰ চাইকেলেৰে গৈ থকা সময়ত অচিনাক্ত এখন বাহনে খুন্দা মাৰে ৷ যাৰ ফলত সুশিল মাৰাল নামৰ যুৱকজন থিতাতে নিহত হোৱাৰ লগতে গুৰুতৰভাৱে আহত হয় আনন্দ তপ্ন ৷ উল্লেখ্য যে, ৰঙাপৰাৰ ৰেলৱে খেল পথাৰত আজি অনুষ্ঠিত হোৱা "আদিবাসী গণ হুংকাৰ" আন্দোলন কাৰ্যসুচীৰ অংশ গ্ৰহন কৰি ঘৰলৈ উভতি যোৱা সময়তে সংঘটিত হয় দুৰ্ঘটনাটি ৷

ইফালে ৰঙাপৰা আৰক্ষীৰ এটি দল ঘটনাস্থলীত উপস্থিত হৈ তদন্ত অব্যাহত ৰাখিছে যদিও দুৰ্ঘটনা সংঘটিত কৰা বাহনখন জব্দ কৰিবলৈ সক্ষম হোৱা নাই বৰ্তমানেও ৷