তেজপুৰ,২৮ জুন : বিজেপিৰ ৰাষ্ট্ৰীয় সভাপতি জে পি নাড্ডা এক প্ৰকাৰ মুকলিকৈ প্ৰত্যাহ্বান জনালে অসম প্ৰদেশ কংগ্ৰেছ কমিটিৰ সভাপতি ৰিপুন বৰাই ৷ তেজপুৰত ইটিভি ভাৰতৰ সাংবাদিকৰ সৈতে হোৱা আছুতীয়া সাক্ষাৎকাৰত ৰিপুন বৰাই কয় যে, ৰাজীৱ গান্ধী ফাউণ্ডেশ্যন এটা ট্ৰাষ্ট, ইয়াত যি কোনো দেশৰ পৰা আৰ্থিক সাহায্য আহিব পাৰে । চীনৰ পৰাও আহিছিল কিন্তু ইয়াৰ প্ৰধানমন্ত্ৰী পুঁজিৰ লগত কোনো লেন দেন নাই ।
উল্লেখযোগ্য যে বিজেপিৰ ৰাষ্ট্ৰীয় সভাপতিগৰাকীয়ে শনিবাৰে নতুন দিল্লীত এক সংবাদমেলত ঘোষণা কৰিছিল যে চীনৰ পৰা এই ট্ৰাষ্টত ধন সংগ্ৰহ কৰা হৈছিল আৰু প্ৰধানমন্ত্ৰী পুঁজিৰ লগত ইয়াৰ যোগাযোগ ব্যৱস্থা আছে । ইয়াৰ প্ৰত্যুত্তৰত অসম প্ৰদেশ কংগ্ৰেছ কমিটিৰ সভাপতি বৰাই মুকলি কৈ নাড্ডাক চি বি আই অনুসন্ধানৰ আহ্বান জনালে ।
তেওঁ পুনৰ কয় যে, লাডাখক লৈ বিজেপিয়ে ৰাজনীতি কৰিছে ৷ সামৰিক বাহিনীৰ ওপৰত কংগ্ৰেছে কৰা ৰাজনীতি কৰা নIই, কংগ্ৰেছ সদায় সামৰিক বাহিনীৰ লগত আছে আৰু থাকিব । কিন্তু পুলৱামাৰ কাহিনী আৰু ভাৰত-পাকিস্তানৰ চাৰ্জিকেল ষ্ট্ৰাইক বিজেপিৰ এক সুকীয়া ৰাজনীতি বুলিও তেওঁ মন্ত্যব কৰে ।
লগতে পঢ়ক : প্ৰদেশ কংগ্ৰেছত বিভেদ অনাৰ ষড়যন্ত্ৰ চলিছে : অপূৰ্ব কুমাৰ ভট্টাচাৰ্য
