2021 বিধানসভা নিৰ্বাচনত তেজপুৰৰ পৰা প্ৰতিদ্বন্দিতা আগবঢ়োৱাৰ সম্ভাৱনা ৰিপুন বৰাৰ

শেহতীয়াকৈ আগন্তুক 2021 বিধানসভা নিৰ্বাচনত তেজপুৰ বিধানসভা সমষ্টিৰ পৰা প্ৰতিদ্বন্দিতা আগবঢ়োৱাৰ সম্ভাৱনা আছে অসম প্ৰদেশ কংগ্ৰেছৰ সভাপতি ৰিপুন বৰাই ৷ জানিব পৰা মতে প্ৰদেশ কংগ্ৰেছৰ সভাপতি গৰাকীক এই বিষয়ে প্ৰশ্ন কৰাত তেখেতে এই বিষয়টো ঊৰ্ধতম কৰ্তৃপক্ষই বিবেচনা কৰিব বুলি ব্যক্ত কৰে ৷

তেজপুৰ,15 ফেব্ৰুৱাৰীঃ দিল্লী বিধানসভা নিৰ্বাচনত ভাৰতীয় জাতীয় কংগ্ৰেছ দল সম্পূৰ্ণৰূপে ধৰাশায়ী হোৱাৰ পিছৰে পৰা তৎপৰতা বৃদ্ধি পাইছে অসম প্ৰদেশ কংগ্ৰেছত ৷ শেহতীয়াকৈ আগন্তুক 2021 বিধানসভা নিৰ্বাচনত তেজপুৰ বিধানসভা সমষ্টিৰ পৰা প্ৰতিদ্বন্দিতা আগবঢ়োৱাৰ সম্ভাৱনা আছে অসম প্ৰদেশ কংগ্ৰেছৰ সভাপতি ৰিপুন বৰাই ৷ জানিব পৰা মতে, প্ৰদেশ কংগ্ৰেছৰ সভাপতি গৰাকীক এই বিষয়ে প্ৰশ্ন কৰাত তেখেতে এই বিষয়টো ঊৰ্ধতম কৰ্তৃপক্ষই বিবেচনা কৰিব বুলি ব্যক্ত কৰে ৷ ইতিমধ্যে বিভিন্ন ক্ষেত্ৰৰ পৰা এনেধৰণৰ প্ৰস্তাৱ আহি আছে যদিও ঊৰ্ধতম কৰ্তৃপক্ষই এই বিষয়ে বিবেচনা কৰিব বুলি মন্তব্য কৰে ৰিপন বৰাই ৷

উল্লেখ্য যে, বৰ্তমান ৰাজ্যজুৰি চলি থকা নাগৰিকত্ব সংশোধনী আইন বিৰোধী প্ৰতিবাদে আগন্তুক নিৰ্বাচনত কংগ্ৰেছৰ পক্ষত থিয় দিব বুলিও ৰাজ্যৰ সচেতন মহলে মত পোষণ কৰি আহিছে ৷ তেনে ক্ষেত্ৰত ৰিপুন বৰাই তেজপুৰ সমষ্টিৰ পৰা প্ৰতিদ্বন্দিতা আগবঢ়ালে ই ৰাজ্যৰ ৰাজনীতিৰ দৃশ্যপট সলনি কৰাৰ এক সম্ভাৱনা প্ৰকট হৈ উঠিছে যদিও সেইয়া পৰৱৰ্তী সময়তহে স্পষ্ট হৈ পৰিব ৷

লগতে পঢ়ক-তেজপুৰত কংগ্ৰেছৰ অস্তিত্ব ৰক্ষাৰ জাগৰণ আৰু পদ যাত্ৰা