তেজপুৰ,14 নৱেম্বৰ: ৰাজ্যজুৰি সাব্যস্ত হৈছে প্ৰতিবাদ ৷ কাকপথাৰৰ সাংবাদিক পৰাগ ভূঞাৰ ৰহস্যজনক মৃত্যুৰ উচিত তদন্তৰ দাবীত সাব্যস্ত কৰা হৈছে এই প্ৰতিবাদ ৷ ৰাজ্যৰ অন্য প্ৰান্তৰ দৰে তেজপুৰৰ আদালত চাৰিআলিত শনিবাৰে অসম জাতীয় পৰিষদৰ কাৰ্য-কৰ্তাসকলে সাংবাদিকগৰাকীৰ মৃত্যুৰ তদন্ত দাবীৰে মৌন প্ৰতিবাদ সাব্যস্ত কৰে ৷
অসম জাতীয় পৰিষদৰ প্ৰতিবাদ
নিৰ্ভীক সাংবাদিক গৰাকীৰ মৃত্যুৰ তদন্ত কৰি দোষীক শাস্তি প্ৰদান কৰাৰ দাবী তোলে সংগঠনটোৰ সদস্যসকলে ৷ সংগঠনটোৰ তেজপুৰৰ আহ্বায়ক জান বৰাই প্ৰতিবাদী কাৰ্যসূচীত অংশগ্ৰহণ কৰি কয়, অসমত ইতিমধ্যে কেইবাজনো সাংবাদিক দুৰ্বৃত্তৰ হত্যাৰ বলি হ’বলগীয়া হৈছে ৷ সাংবাদিত হত্যাৰ তদন্তৰ ক্ষেত্ৰত সম্পূৰ্ণৰূপে ব্যৰ্থ হৈছে ৰাজ্য চৰকাৰ ৷ উল্লেখ্য যে,বিগত সময়ছোৱাত 34 গৰাকী সাংবাদিকে এনেধৰণেৰে মৃত্যুক সাৱটি লৈছে ৷
