ৰঙাপৰা, 13 চেপ্তেম্বৰ : ৰঙাপৰাৰ মিলনপল্লীত পথৰ শোচনীয় অৱস্থা ৷ পথছোৱাত বাৰিষা জমা হোৱা লেতেৰা পানী গছকি ৰাইজ আৰু ছাত্ৰ-ছাত্ৰী সকলে অহা-যোৱা কৰিবলগীয়া হৈছে । মিলনপল্লী গাঁৱৰ পথচোৱা মাটি ভৰাই ৰাইজক যাতায়তৰ ক্ষেত্ৰত উপকৃত কৰিবলৈ নামনিগাঁও গাঁও পঞ্চায়তখনক বাৰম্বাৰ দাবী জনাই অহাৰ পিছতো সমস্যা সমাধান কৰাত গুৰুত্ব আৰোপ নকৰাৰ অভিযোগ ভুক্তভোগী ৰাইজৰ । ৰাইজে যাতায়ত কৰি অহা উক্ত পথচোৱাত এতিয়া দেখা যায় হাঁহ চৰি থকা দৃশ্য ৷ লেতেৰা পানী গছকি অহা-যোৱা কৰা ভুক্তভোগী ৰাইজে অতি শীঘ্ৰে পথচোৱা নিৰ্মাণ কৰিবলৈ দাবী জনাইছে ৷
ৰঙাপৰাত পথৰ শোচনীয় অৱস্থা
