ৰঙাপৰাত বনৰীয়া হাতীৰ আক্ৰমণত নিহত বৃদ্ধ

ৰাজ্যত অব্যাহত আছে হাতী-মানুহৰ সংঘাত ৷ দেওবাৰে নিশা ৰঙাপৰাত বন্যহস্তীৰ আক্ৰমণত মৃত্যু হয় এগৰাকী বৃদ্ধৰ ।

ৰঙাপৰা,24 জুন: ৰঙাপৰাত হাতী-মানুহৰ সংঘাত অব্যাহত থকাৰ সময়তে দেওবাৰে নিশা বন্যহস্তীৰ আক্ৰমণত মৃত্যু হয় এগৰাকী বৃদ্ধৰ। ঘটনাৰ বিৱৰণী অনুসৰি নিশা প্ৰায় ৯ মান বজাত ৰঙাপৰা আৰক্ষী থানাৰ অন্তৰ্গত কাছাৰী গাঁও চাহ বাগিচাৰ ১৪নং লাইনৰ মাচিদাস তিৰু নামৰ লোকজনে চাহ বাগিচাৰ মাজত শৌচ কৰিবলৈ যোৱাৰ সময়তে এটা বনৰীয়া হাতীয়ে আক্ৰমণ কৰাত থিতাতে নিহত হয় বৃদ্ধগৰাকী। ইফালে ঘটনাৰ খবৰ পোৱা মাত্ৰকে ঘটনাস্থলীত ৰঙাপৰা আৰক্ষী উপস্থিত হৈ মৃতদেহটো উদ্ধাৰ কৰি থানালৈ লৈ যায় ৷