নাৰায়ণপুৰ শিক্ষা খণ্ডত টকা দিলেই বদলি হয় কৰ্মস্থান

নাৰায়ণপুৰ শিক্ষা খণ্ডত এতিয়া টকা দিলেই নিজৰ ইচ্ছা অনুসৰি বিদ্যালয় সলনি কৰিব পাৰে শিক্ষকে । অভিযোগ অনুসৰি নাৰায়ণপুৰ খণ্ড প্ৰাথমিক শিক্ষা বিষয়া হৰিপ্ৰসাদ দাসৰ ছত্ৰছায়াত এই সুযোগ লাভ কৰিছে শিক্ষকসকলে ।

লখিমপুৰ, 19 মাৰ্চ : লখিমপুৰ জিলাৰ নাৰায়ণপুৰ শিক্ষা খণ্ডত এতিয়া টকা দিলেই নিজৰ ইচ্ছা অনুসৰি বিদ্যালয় সলনি কৰিব পাৰে শিক্ষকে । অভিযোগ অনুসৰি নাৰায়ণপুৰ খণ্ড প্ৰাথমিক শিক্ষা বিষয়া হৰিপ্ৰসাদ দাসৰ ছত্ৰছায়াত এই সুযোগ লাভ কৰিছে শিক্ষকসকলে । ৰাজ্যজুৰি চলি থকা নিৰ্বাচনী বিধি উলংঘা কৰি শিক্ষক বদলিত নামিছে খণ্ড প্ৰাথমিক শিক্ষা বিষয়াগৰাকী ৷

জানিব পৰা মতে, শিক্ষাখণ্ডটোৰ অন্তৰ্গত কটকীচুক অমৰজ্যোতি প্ৰাথমিক বিদ্যালয়ৰ পৰা মিতালী শইকীয়া নামৰ শিক্ষয়িত্ৰী গৰাকীক ৰাধিকা প্ৰাথমিক বিদ্যালয়লৈ বদলি কৰা কাৰ্যই এতিয়া সকলোৰে মাজত প্ৰতিক্ৰিয়া সৃষ্টি কৰিছে ৷ লগতে এই কাৰ্য শিক্ষা বিষয়াগৰাকীৰ অনিয়মৰ সমগ্ৰ বিষয়টো পোহৰলৈ আনিছে ৷

নিৰ্বাচনী বিধি বলৱৎ হৈ থকাৰ লগতে শিক্ষা বিভাগে শিক্ষক বদলিকৰণ বন্ধ ৰখাৰ সময়ত শিক্ষা বিষয়া হৰিপ্ৰসাদ দাসে ভুৱা নথি পত্ৰৰে একমাত্ৰ ধনৰ বিনিময়ত শিক্ষক বদলিত নামি পৰিছে ৷ উল্লেখ্য যে, পূৰ্বেও শিক্ষা বিষয়াগৰাকীৰ বিৰুদ্ধে বিভাগীয় নীতি-নিৰ্দেশনা উলংঘা কৰি একাধিক শিক্ষকক বদলি কৰাৰ অভিযোগ আছে ৷

লগতে পঢ়ক : জনীয়াৰ মহাজোঁটৰ প্ৰাৰ্থী ড° ৰফিকুল ইছলামৰ মনোনয়ন দাখিল