তেজপুৰ, ১৪ নৱেম্বৰ : অসমলৈ আহিছে বলিউডৰ তাৰকা ঋত্ত্বিক ৰোশন (Hrithik Roshan in Assam) । সোমবাৰে বলিউডৰ তাৰকা শিল্পীজন আহি উপস্থিত হয় তেজপুৰত (Hrithik Roshan arrived in Tezpur) । এক বিশেষ চাৰ্টাৰ্ড বিমানৰ জৰিয়তে তেজপুৰ বিমানবন্দৰত উপস্থিত হয় ছুপাৰ ষ্টাৰ ঋত্ত্বিক ৰোশন । তেজপুৰ বায়ুসেনাৰ ঘাটিত উপস্থিত হয় বলিউডৰ তাৰকা পৰিচালক সিদ্ধাৰ্থ আনন্দৰ সৈতে ।
উল্লেখ্য, ঋত্ত্বিক ৰোশনৰ আগন্তুক ছবি হৈছে 'Fighter' (Hrithik Roshan upcoming film Fighter) । উক্ত ছবিখনত তেওঁ বায়ুসেনাৰ পাইলটৰ চৰিত্ৰত অভিনয় কৰিছে । ছবিখনৰ অভিনয়ৰ অংশ হিচাবেই বলিউডৰ সুদৰ্শন অভিনেতাগৰাকীয়ে বায়ুসেনাৰ পাইলটৰ বিভিন্ন কলা-কৌশলৰ ওপৰত অধ্যয়নৰ বাবে তেজপুৰ বায়ুসেনা ঘাটিত আহি উপস্থিত হৈছে ।
উল্লেখ্য Fighter হৈছে ঋত্ত্বিক ৰোশনৰ এখন একচনধৰ্মী ছবি । সেয়ে একচন সম্পৰ্কীয় অভিনয়ৰ বাবে প্ৰস্তুতি চলাবলৈ তেজপুৰস্থিত বায়ুসেনা ঘাটিত উপস্থিত হৈছেহি অভিনেতা ঋত্ত্বিক ৰোশন (Hrithik Roshan at Tezpur Airforce base) । খবৰ অনুসৰি, ঋত্ত্বিক ৰোশনে নিজৰ চেহেৰা সলনি কৰাৰ ১২ সপ্তাহৰ প্ৰক্ৰিয়া আৰম্ভ কৰিছে ।
ইয়াৰ উপৰি অভিনেতাগৰাকীয়ে নিজৰ অভিনয়ৰ প্ৰস্তুতিৰ অংশ হিচাপে তেজপুৰ এয়াৰ বেছৰ কৰ্মীসকলৰ সৈতে জড়িত হ’ব আৰু তেওঁলোকৰ সৈতে ঘনিষ্ঠভাৱে সময় কটাব । জানিব পৰা মতে, ১৫ নৱেম্বৰৰ পৰা আৰম্ভ হ’ব ‘ফাইটাৰ’ ছবিৰ নিৰ্মাণকাৰ্য । লগতে জানিব পৰা গৈছে যে ঋত্ত্বিকে ১০ দিনীয়া outdoor শ্বুটিং কৰিব ।
উল্লেখ্য, সিদ্ধাৰ্থ আনন্দৰ পৰিচালনাত নিৰ্মাণ হ'বলগীয়া ছবি ‘ফাইটাৰ’ত ঋত্ত্বিক ৰোশনৰ গুৰুৰ চৰিত্ৰত অভিনয় কৰিব অনিল কাপুৰে (Anil Kapoor) । আনহাতে, দীপিকা পাডুকনে (Deepika Padukon) অভিনেত্ৰী হিচাবে মুখ্য চৰিত্ৰত অভিনয় কৰিব । ২০২৩ চনৰ ২৮ ছেপ্টেম্বৰত মুক্তি পাব ঋত্ত্বিক ৰোশনৰ শেহতীয়া একচনধৰ্মী ছবি ‘ফাইটাৰ’।
উল্লেখ্য, অভিনেতা ঋত্ত্বিক ৰোশনে শুকুৰবাৰে ঘোষণা কৰে যে তেওঁৰ পৰৱৰ্তী ছবি ফাইটাৰ ২০২৪ চনত মুক্তি পাব । ইনষ্টাগ্ৰামত তেওঁ আকাশত মিছাইল শ্বুটিং কৰা কেইবাখনো যুঁজাৰু বিমানৰ সৈতে এখন পোষ্টাৰ শ্বেয়াৰ কৰিছে । পোষ্টাৰখন শ্বেয়াৰ কৰি ঋত্ত্বিকে প্ৰকাশ কৰে যে ছবিখন ২০২৪ চনৰ ২৫ জানুৱাৰীত ছবিগৃহত মুক্তি পাব ।
সিদ্ধাৰ্থ আনন্দৰ দ্বাৰা পৰিচালিত আৰু দীপিকা পাডুকন আৰু অনিল কাপুৰে অভিনয় কৰা ছবিখন সন্দৰ্ভত ঋত্ত্বিকে পোষ্টটোৰ শিৰোনাম দিছে, "25 জানুৱাৰী 2024- আপোনালোকৰ সৈতে ছবিগৃহত দেখা হ'ব ! #Fighter ।" পোষ্টটোত প্ৰতিক্ৰিয়া ব্যক্ত কৰি অভিষেক কাপুৰে মন্তব্য কৰে, "ব্ৰাভো।" এজন অনুৰাগীয়ে লিখিছে, "লেটছ গ', আন এখন ব্লকবাষ্টাৰ সোনকালে আহি আছে ।" আন এজনে লগতে সুধিছে, "আব ক্যা Maverick বানা ৰহে হো ক্যা ?" উল্লেখ্য, মেভেৰিক হৈছে টম ক্ৰুজ আৰু ভেল কিলমাৰ অভিনীত আৰু জোচেফ কোচিনস্কিৰ দ্বাৰা পৰিচালিত এখন একচনধৰ্মী চলচ্চিত্ৰ ।
লগতে পঢ়ক :Success of IIT Guwahati : IIT গুৱাহাটীৰ ছাত্ৰলৈ কোটি টকাৰ অফাৰ
