তেজপুৰ,২৬ এপ্ৰিল: থলুৱা শিপিনীসকলৰ অৰ্থনীতি সুৰক্ষিত কৰাৰ লগতে সাংস্কৃতিক সম্পদসমূহ জীয়াই ৰখাৰ স্বাৰ্থত তেজপুৰ বিশ্ববিদ্যালয়ে গ্ৰহণ কৰিছে বিশেষ পদক্ষেপ ৷ সোমবাৰে তেজপুৰ বিশ্ববিদ্যালয়ত অসমৰ গামোচা ঐতিহ্য (সুৰক্ষা) বিধেয়ক ২০২৩ ৰ খচৰা দাখিল কৰে বিশ্ববিদ্যালয়খনৰ বৌদ্ধিক সম্পত্তি পৰিচালনা কোষে (Gamocha Heritage Protection Bill 2023) ৷
খচৰা দাখিল বৈঠকখনত অংশগ্ৰহণ কৰে হস্ততাঁত বস্ত্ৰ বিভাগৰ মন্ত্ৰী উৰ্খাও ব্ৰহ্মই (Minister Urkhao Gwra Brahma) ৷ উক্ত খচৰা বিধেয়কখন UGC য়ে হাতত লোৱা "Reviving cultural artefact Gamosa through Intellectual Property management in Assam and innovative supply chain” শীৰ্ষক প্ৰকল্পৰ ফলাফল ৷
উক্ত প্ৰকল্প "Trans-disciplinary Research for India’s Developing Economy" আঁচনিৰ অন্তৰ্গত ৷ বিধেয়কখনৰ উদ্দেশ্য হৈছে সংসদৰ জৰিয়তে এখন আন্তঃৰাষ্ট্ৰীয় আইন প্ৰণয়ন কৰি গামোচাৰ গৰিমা অক্ষুণ্ণ ৰাখি শিপিনীসকলক আৰ্থিক আৰু বৌদ্ধিক সম্পত্তিৰ অধিকাৰ সুৰক্ষিত কৰা ৷ বুধবাৰে তেজপুৰ বিশ্ববিদ্যালয়ত অনুষ্ঠিত অনুষ্ঠানটোত প্ৰকল্প সমন্বয়ক ড৽ মৃদুল দত্তই প্ৰকল্পটোৰ চাৰিখন ক্ষেত্ৰৰ কথা উল্লেখ কৰে (Gamocha Heritage Protection Bill 2023) ৷ ইয়াৰ ভিতৰত গামোচা প্ৰতিষ্ঠানৰ পৰম্পৰাগত জ্ঞান আৰু পৰম্পৰাগত সাংস্কৃতিক অভিব্যক্তিৰ নথিপত্ৰৰ খতিয়ান দাঙি ধৰা অন্যতম ৷
লগতে পঢ়ক: Women cricket training camp: হাতত বেট বল লৈ ক্ৰিকেট প্ৰশিক্ষণৰ বাবে আহিছে নলবাৰীৰ এজাক তৰুণী
তদুপৰি গোঁসাই কাপোৰ, থাপনা কাপোৰ, বিহুৱান, দৰাবৰণৰ কাপোৰ, টিয়নি আদিৰ ব্যৱহাৰ আৰু স্বকীয়তাকো সামৰা হৈছে প্ৰকল্পটোৰ অধীনত (Handloom of Assam) ৷ তেজপুৰ বিশ্ববিদ্যালয়ত বুধবাৰে অনুষ্ঠিত বৈঠকত মন্ত্ৰী উৰ্খাও ব্ৰহ্মৰ লগতে উপস্থিত থাকে হস্ততাঁত, বস্ত্ৰ আৰু ৰেচম বিভাগৰ সচিব দিলীপ কুমাৰ বৰা, বিভাগটোৰ সঞ্চালক পি. কে. মহন্ত, তেজপুৰ বিশ্ববিদ্যালয়ৰ পঞ্জীয়ক ড° বীৰেণ দাস, তেজপুৰ আইন মহাবিদ্যালয়ৰ অধ্যক্ষা ড° স্মিতা বৰুৱা ডেকাৰ লগতে বহুকেইগৰাকী উচ্চপদস্থ বিষয়াকে ৷
লগতে পঢ়ক: Karim Uddin Barbhuiya controversy: খাৰিজ হ'ব নেকি AIUDF ৰ বিধায়ক কৰিমউদ্দিন বৰভূঞাৰ বিধায়ক পদ !
