ৰঙাপৰা, 10 অক্টোবৰঃ শোণিতপুৰ জিলাৰ ৰঙাপৰাৰ নাহৰণী চাহ বাগিছাত বুধবাৰে নিশা অতিবাহিত কৰিলে ৰাজ্যৰ প্ৰভাৱশালী মন্ত্ৰী হিমন্ত বিশ্ব শৰ্মাই । দাদা বিগ্ৰেডৰ অন্যতম সদস্য তথা বিজেপিৰ প্ৰাৰ্থী ৰাজেন বৰঠাকুৰৰ হৈ নিৰ্বাচনী প্ৰচাৰ চলোৱাৰ উদ্দেশ্যেই নাহৰণী চাহ বাগিছাত নিশা 10 বজাত উপস্থিত হয় মন্ত্ৰীগৰাকী । ইপিনে বৃহস্পতিবাৰে পুৱাই ৰঙাপৰাৰ থানা তিনিআলিত নিৰ্মাণ হ’বলগীয়া উৰুণীয়া সেঁতুৰ পৰিস্থিতি বুজ লয় হিমন্ত বিশ্ব শৰ্মাই । ক’ত কেনেদৰে উৰুণীয়া সেঁতুখন নিৰ্মাণ হ’ব গড়কাপ্তানী বিভাগৰ জ্যেষ্ঠ অভিযন্তাসকলৰ সৈতে আলোচনা কৰে মন্ত্ৰীগৰাকীয়ে । তাৰ পাছতেই ৰাইজৰ সৈতে মত বিনিময়টো অংশ লৈ মন্ত্ৰী হিমন্ত বিশ্ব শৰ্মাই ৷
ইফালে, ৰঙাপৰাত অনুষ্ঠিত হ’বলগীয়া উপ-নিৰ্বাচনত বিজেপিৰ প্ৰাৰ্থী ৰাজেন বৰঠাকুৰৰ হৈ শুকুৰবাৰে পদ যাত্ৰা কৰি নিৰ্বাচনী প্ৰচাৰ চলাব মন্ত্ৰীগৰাকীয়ে । ভোটাৰ ৰাইজৰ ঘৰে ঘৰে গৈ নিৰ্বাচনী প্ৰচাৰ চলোৱাৰ সম্ভাৱনা থকাৰ লগতে বৰজুলি চাহ বাগিচাৰ এখন নিৰ্বাচনী সভাতো অংশ গ্ৰহণ কৰিব বিত্তমন্ত্ৰী হিমন্ত বিশ্ব শৰ্মাই ।
