তেজপুৰ,7 আগষ্টঃ শোণিতপুৰৰ জীয়া ভৰলী নদীৰ পাৰৰ ন-দুৱাৰ ৰাজহ চক্ৰৰ অন্তৰ্গত এলেকাত বেদখল ৷ সন্দেহযুক্ত অবৈধ বাংলাদেশী অনুপ্ৰৱেশৰ দ্বাৰা এলেকা বেদখলৰ অভিযোগ স্থানীয় ৰাইজৰ ৷ যাৰ বাবে ঘটনা সন্দৰ্ভত শনিবাৰে জামুগুৰিহাটৰ প্ৰায় সাতটা জাতীয় সংগঠনে শোণিতপুৰ জিলা উপায়ুক্তৰ জৰিয়তে মুখ্যমন্ত্ৰীলৈ স্মাৰক প্ৰেৰণ কৰে । আনহাতে, ঘটনা সন্দৰ্ভত ন-দুৱাৰ চক্ৰ বিষয়াক চৰ জমিন তদন্ত কৰিবলৈ নিৰ্দেশ দিয়া বুলি মন্তব্য কৰে শোণিতপুৰ জিলা উপায়ুক্ত নৰসিং পাৱাৰে । লগতে সংগঠন সমূহে শীঘ্ৰে জিলা প্ৰশাসনে ব্যৱস্থা গ্ৰহণ নকৰিলে পৰৱৰ্তী পৰ্যায়ত আন্দোলন গঢ়ি তুলিব বুলি ভাবুকি দিয়ে ।
জীয়া ভৰলীৰ পাৰত অবৈধ বাংলাদেশী !
