তেজপুৰ,১৭আগষ্টঃ কানাড়া বেংক আঞ্চলিক কাৰ্যালয় তেজপুৰে শনিবাৰৰ পৰা দুদিনীয়া কাৰ্যসূচীৰে শীৰ্ষ মহলাৰ পৰ্যালোচনা সভা অনুষ্ঠিত হৈছে ৷ উজনি অসমৰ মুঠ ৪১ টা শাখাৰ প্ৰৱন্ধকসকলক লৈ অসমৰ ১৩ খন জিলাক সামৰি ৩৩ টা শাখা আৰু অৰুণাচল প্ৰদেশৰ ৬ খন জিলাৰ ৮ টা শাখাৰ প্ৰৱন্ধকৰ মাজত এই পৰ্যালোচনা অনুষ্ঠিত হয় ৷ ইপিনে এই সভাত মুখ্য অতিথি হিচাপে গুৱাহাটী চক্ৰৰ সহকাৰী মহাপ্ৰৱন্ধক মনোজ কুমাৰ দাস আৰু তেজপুৰ আঞ্চলিকৰ সহকাৰী মহা প্ৰৱন্ধক এচ কে ডাৰৱালে অংশ গ্ৰহণ কৰি বিভিন্ন বিষয়ৰ আসোঁৱাহ সমূহ পৰ্যালোচনা কৰে ৷ বৈঠকত বিভিন্ন প্ৰৱন্ধকৰ পৰা লোৱা পৰামৰ্শসমূহ চক্ৰ আৰু ক্ষেত্ৰসমূহলৈ পঠোৱাৰ পিছত ৰাষ্ট্ৰীয় পৰ্যায়ত পৰ্যালোচনাৰ বাবে প্ৰেৰণ কৰা হ'ব বুলি আঞ্চলিক প্ৰৱন্ধক এচ কে ডাৰৱালে সাংবাদিকৰ আগত ব্যক্ত কৰে ৷
তেজপুৰত কানাড়া বেংকৰ ৪১ টা শাখাৰ পৰ্যালোচনা সভা
