ৰঙাপৰা,১ এপ্ৰিলঃ বালিপৰাত আক্ৰাছুৰ নৱম দ্বি-বাৰ্ষিক অধিৱেশন । এই অধিৱেশনতে কোঁচৰাজবংশী ৰাইজক বিজেপিৰ প্ৰাৰ্থী পল্লৱ লোচন দাসক ভোট নিদিবলৈ আহ্বান আক্ৰাছুৰ জিলা সভাপতি বিক্ৰম দাসৰ । দেওবাৰে বালিপাৰাত অনুষ্ঠিত হোৱা জিলা কোঁচৰাজবংশী ছাত্ৰ সন্থাৰ নৱম দ্বি-বাৰ্ষিক অধিৱেশনত এই সিদ্ধান্তৰ কথা ঘোষণা কৰি কোঁচ ৰাজবংশীকে ধৰি ছয় জনগোষ্ঠীৰ নামত বাৰম্বাৰ কৰি অহা প্ৰতাৰণাৰ প্ৰত্যুত্তৰ দিবলৈ জনগোষ্ঠীটোৰ ৰাইজ সাজু হোৱা বুলিও সদৰী কৰে । অধিৱেশনত আক্ৰাছুৰ কেন্দ্ৰীয় উপদেষ্টা ডo পৰশমনি সিংহ, কেন্দ্ৰীয় সাংগঠনিক সম্পাদক ৰাতুল নাৰায়ণ কোঁচ, এ জে ৱাই চি পিৰযুৱ সন্মিলনীৰ সভাপতি ৰাজীৱ দাস, প্ৰমুখ্যে কেইবাগৰাকীও বিশিষ্ট ব্যক্তি উপস্থিত থাকে । অঞ্চলটোৰ ভালেসংখ্যক জনসাধাৰণ উপস্থিত থকা সভাখনত কোঁচৰাজবংশীৰ নৃত্য-গীত পৰিৱেশন কৰা হয় ।
পল্লৱ লোচন দাসক ভোট নিদিবলৈ আহ্বান শোণিতপুৰ জিলা আক্ৰাছুৰ
