পুনৰ আছুৰ দখলত দৰং মহাবিদ্যালয়

মহাবিদ্যালয় খনৰ 15টা বিভাগৰ প্ৰত্যেকটো বিভাগ আছুৰ দখললৈ আনিবলৈ সক্ষম হয় সদৌ অসম ছাত্ৰ সন্থাই ৷

তেজপুৰ,14 ছেপ্টেম্বৰঃ শনিবাৰে ঘোষণা কৰা হ'ল তেজপুৰৰ দৰং মহাবিদ্যালয়ত অনুষ্ঠিত হোৱা ছাত্ৰ একতা সভাৰ নিৰ্বাচনৰ ফলাফল ৷ ফলাফলত মহাবিদ্যালয় খনৰ 15 টা বিভাগৰ প্ৰত্যেকটো বিভাগ আছুৰ দখললৈ আনিবলৈ সক্ষম হয় সদৌ অসম ছাত্ৰ সন্থাই ৷

সেয়ে আজি আছুৰ বিজয়ৰ লগত সংগতি ৰাখি ছাত্ৰ সমাজে মহাবিদ্যালয়ৰ প্ৰাংগণৰ পৰা তেজপুৰ শ্বহীদ বাকৰিলৈকে এক সমদল উলিয়াই শ্বহীদ বাকৰিত শ্বহীদ সকলক শ্ৰদ্ধাঞ্জলি জ্ঞাপন কৰে ৷ উল্লেখ্য যে কিছু দিন পূৰ্বে তেজপুৰ মহাবিদ্যালয়তো অনুষ্ঠিত হোৱা ছাত্ৰ একতা সভাৰ নিৰ্বাচনত আছুৱে জয় লাভ কৰিবলৈ সক্ষম হৈছিল ৷