শ্বহীদৰ স্মৃতিত তেজপুৰত স্থাপন ‘অসম বন্তি’

আজিৰ দিনটোতেই ইতিহাস প্ৰসিদ্ধ তেজপুৰ শ্বহীদ বাকৰিত সমাধিস্থ কৰা হৈছিল স্বদেশৰ কাৰণে আত্মবলিদান দিয়া তেজপুৰৰ বীৰ শ্বহীদ অনুকূল কাকতি, ৰূপক নাথ আৰু মৃত্যুঞ্জয় দাসক ৷ অসমৰ শ্বহীদকসকলৰ স্মৃতিত তেজপুৰত আছুই স্থাপন কৰে অসম বন্তি তথা অগ্নিশিখা ।

তেজপুৰ, ১ জানুৱাৰীঃ তেজপুৰত প্ৰজ্বলিত হ’ল ‘অসম বন্তি’ ৷ অসমৰ বাবে এটা চিৰ অভিশপ্ত বছৰ 1983 চন ৷ যাক ভূপেন দাই গীতৰ ভাষাৰেই কৈ গৈছিল জুয়ে পোৰা তিৰাশী বুলি ৷ সুদীৰ্ঘ 37 বছৰ অতিক্ৰম কৰিলে তেজপুৰৰ বীৰ শ্বহীদ অনুকূল কাকতি, ৰূপক নাথ আৰু মৃত্যুঞ্জয় দাসৰ দেহাৱসানে ৷ আজিৰ দিনটোতেই ইতিহাস প্ৰসিদ্ধ তেজপুৰ শ্বহীদ বাকৰিত সমাধিস্থ কৰা হৈছিল স্বদেশৰ কাৰণে আত্মবলিদান দিয়া এই তিনিগৰাকী শ্বহীদক ৷ তেজপুৰ আঞ্চলিক ছাত্ৰ সন্থাই ৰাজহুৱাকৈ তিনিও গৰাকী শ্বহীদক শ্ৰদ্ধাঞ্জলি জ্ঞাপন কৰে ৷

আনহাতে, অসমৰ শ্বহীদসকলৰ স্মৃতিত তেজপুৰত আছুই স্থাপন কৰে অসম বন্তি তথা অগ্নিশিখা । শ্বহীদ অনুকূল কাকতিৰ ১০৫ বছৰীয়া মাতৃ মই কাকতিয়ে প্ৰজ্বলন কৰে আছুৰ এই ‘অসম বন্তি’। ইয়াৰোপৰি শিল্পীসকলে গীতেৰে শ্ৰদ্ধাঞ্জলি জ্ঞাপন কৰে ৷ এই অনুষ্ঠানৰ জৰিয়তে তেজপুৰ আঞ্চলিক ছাত্ৰ সন্থাই নাগৰিকত্ব সংশোধনী আইনৰ বিৰুদ্ধে সকলোকে মাত মাতি যাবলৈ আহ্বান জনায় ।

আৰু পঢ়কঃ বিপদ স্বত্বেও ভুল পথেৰে যাত্ৰা!