আৰ পি শৰ্মাৰ পদত্যাগ সম্পৰ্কত ৰঞ্জিত দত্তৰ প্ৰতিক্ৰিয়া

এই ক্ষেত্ৰত পাৰ্টীয়ে সিদ্ধান্ত ল'ব বুলি মন্তব্য ৰঞ্জিত দত্তৰ

তেজপুৰ,16 মাৰ্চ: ৰাম প্ৰসাদ শৰ্মাৰ পদত্যাগ সম্পৰ্কত অসম চৰকাৰৰ মন্ত্ৰী তথা বিজেপিৰ প্ৰাক্তন সভাপতি ৰঞ্জিত দত্তৰ প্ৰতিক্ৰিয়া ৷ এই ক্ষেত্ৰত পাৰ্টীয়ে সিদ্ধান্ত গ্ৰহণ কৰিব বুলি মন্তব্য বিজেপিৰ প্ৰাক্তন সভাপতিগৰাকীৰ ৷

লগতে পদত্যাগ পত্ৰ গ্ৰহণ সম্পৰ্কত শীৰ্ষ নেতৃত্বৰ ৰায়ৰ দ্বাৰা অৱগত নহয় বাবে তাৎক্ষণিক মন্তব্য কৰাটো অসম্ভৱ বুলিও কয় মন্ত্ৰীগৰাকীয়ে ৷

আনহাতে তেজপুৰ লোকসভা সমষ্টিৰ অন্তৰ্গত 9 টাকৈ সমষ্টিৰ ভিতৰত 8 টা সমষ্টিত বিজেপিৰ আৰু 1 টা সমষ্টিত অগপৰ বিধায়ক আছে বুলি উল্লেখ কৰি ইতিমধ্যে বিজেপিৰে অগপৰ মিত্ৰতা হোৱা বাবে বিজেপি প্ৰাৰ্থীৰ কোনো অসুবিধা নহয় বুলি মন্তব্য কৰে বিজেপিৰ প্ৰাক্তন সভাপতিগৰাকীয়ে । ইয়াৰ উপৰিও, অগপৰে মিত্ৰতাৰ পাচত আগন্তুক লোকসভা নিৰ্বাচনত 14 খন আসনৰ 12 খনেই লাভ কৰিব বুলিও দাবী কৰে মন্ত্ৰীগৰাকীয়ে ৷