শিৱসাগৰ,7 ছেপ্টেম্বৰ: এখন দলঙেই কাল হ'ল শিৱসাগৰ জিলাৰ গৌৰীসাগৰৰ এজন যুৱকৰ বাবে ৷ জিলাখনৰ গৌৰীসাগৰৰ মিটং নদীত পৰি সন্ধানহীন এজন যুৱক(Youth missing after falling in Mitong River)৷ সন্ধানহীন যুৱকজনৰ নাম বাবলু ৰবি দাস(২০) বুলি জানিব পৰা গৈছে ৷
প্ৰাপ্ত তথ্য অনুসৰি যুৱকজনৰ ঘৰ মিটং নদীৰ পাৰত ৷ জৰাজীৰ্ণ অৱস্থাত থকা দলংখনৰ বৃহৎ ফুটাৰ মাজেৰে অসাৱধানবশতঃ যুৱকজন সৰকি পৰাৰ সন্দেহ ব্যক্ত কৰিছে স্থানীয় ৰাইজ তথা আৰক্ষীয়ে(missing after falling through a broken hole) ৷ ঘটনাস্থলীত গৌৰীসাগৰ আৰক্ষীৰ দল উপস্থিত হৈ পৰিস্থিতিৰ বুজ লোৱাৰ লগতে যুৱকজনৰ উদ্ধাৰৰ বাবে এচডিআৰএফ বাহিনীৰ সহযোগিতা বিচাৰিছে ৷
উল্লেখ্য যে মিটং নদীৰ পুৰণা দলংখন দীৰ্ঘদিন ধৰি পৰিত্যক্ত অৱস্থাত আছে । প্ৰয়োজনীয় মেৰামতিৰ অভাৱত দলঙৰ বিভিন্ন অংশ ভাঙি ফুটা ওলোৱাৰ ফলত বিপদসংকুলভাৱে দলংখনৰ ওপৰেৰে যাতায়ত কৰি আহিছে স্থানীয় ৰাইজে ৷
লগতে পঢ়ক: মাজুলীৰ মুখাই হাত বাউল দি মাতিছে পৰ্যটকক
