আমগুৰি, 5 মাৰ্চ: নিশা অভিযান চলাই শিৱসাগৰৰ গৌৰীসাগৰত আৰক্ষীয়ে জব্দ কৰে কাঠভৰ্তি ট্ৰাক ৷ গৌৰীসাগৰ আৰক্ষীয়ে অভিযান চলাই 37 নং ৰাষ্ট্ৰীয় ঘাইপথত জব্দ কৰে কাঠভৰ্তি ট্ৰাকখন ৷ জোনাইৰ পৰা বঙাইগাঁৱলৈ AS 01JC 8274 নম্বৰৰ ট্ৰাকখনত সৰবৰাহ কৰা হৈছিল কাঠখিনি ৷ আৰক্ষীয়ে অবৈধ সৰবৰাহৰ সন্দেহত জব্দ কৰি ৰাখিছে ট্ৰাকখন ৷ চালকৰ ভাষ্য অনুসৰি মৰাণত অসামৰিক পোচাকত থকা কোনো লোকে গাড়ীখন ৰখাইছিল যদিও চালকে বাহনখন নৰখায় ৷ যাৰ বাবে পিচত আৰক্ষীয়ে ট্ৰাকখন জব্দ কৰে ৷
37 নং ৰাষ্ট্ৰীয় ঘাইপথত জব্দ কাঠভৰ্তি ট্ৰাক
ট্ৰাকত থকা লোক কেইজনৰ পৰা কাঠখিনি মনোৰঞ্জন গোঁহাইৰ বুলি জানিব পৰা গৈছে ৷ অনুমানিক ট্ৰাকখনত বিশ লক্ষাধিক টকাৰ কাঠ থকাৰ সন্দেহ কৰিছে আৰক্ষীয়ে । আৰক্ষীৰ পৰৱৰ্তী তদন্তত হে প্ৰকৃত তথ্য পোহৰলৈ আহিব আচলতে কাঠখিনি বৈধ নে অবৈধ ৷
